વિરાટ કોહલી અને અનુષ્કા શર્માની ગણતરી સૌથી શાનદાર કપલમાં થાય છે. અનુષ્કા અને વિરાટની જોડી તેમના ફેન્સને ઘણી પસંદ છે. બંને સોશિયલ મીડિયા દ્વારા પણ પોતાનો પ્રેમ વ્યક્ત કરતા રહે છે.
સોમવારે વિરાટ કોહલીએ તેની અભિનેત્રી પત્નીને જન્મદિવસની શુભેચ્છા પાઠવી હતી. આજે 1 મેના રોજ અનુષ્કા તેનો 35મો જન્મદિવસ ઉજવી રહી છે. વિરાટે આ પ્રસંગે અનુષ્કા માટે એક સુંદર સંદેશ પણ પોસ્ટ કર્યો હતો.
અનુષ્કા અવારનવાર વિરાટ કોહલીની મેચ જોવા સ્ટેડિયમ પહોંચે છે. IPLમાં પણ અનુષ્કા સ્ટેન્ડ પરથી રોયલ ચેલેન્જર્સ બેંગ્લોરના સુપરસ્ટારને પ્રોત્સાહિત કરતી જોવા મળે છે. વિરાટે આ અવસર પર અનુષ્કાની કેટલીક તસવીરો ટ્વિટર પર શેર કરી છે અને એક મેસેજ પણ લખ્યો છે. અનુષ્કાની આ તસવીરો ફેન્સને ખૂબ જ પસંદ આવી રહી છે.
વિરાટે તેની સાથે કેપ્શન આપ્યું- ‘સારા ખરાબ સમય અને તમારી સુંદર ગાંડપણ – બધા વચ્ચે તમને ઘણો પ્રેમ. હું તમને જન્મદિવસની ખૂબ ખૂબ શુભેચ્છા પાઠવું છું.’
Love you through thick, thin and all your cute madness ♾️. Happy birthday my everything ❤️❤️❤️ @AnushkaSharma pic.twitter.com/AQRMkfxrUg
— Virat Kohli (@imVkohli) May 1, 2023
હાલમાં જ વિરાટ કોહલી અને અનુષ્કાએ એક વીડિયો શેર કર્યો હતો જેમાં બંને પંજાબી ગીતો પર ડાન્સ કરી રહ્યાં હતાં. અનુષ્કાએ આ વીડિયો પર કેપ્શન આપ્યું હતું – ચાન્સ ઓન ડાન્સ.