ગયા વર્ષે માર્ગ અકસ્માતમાં ગંભીર રીતે ઘાયલ થયેલા ઋષભ પંત લાંબા સમયથી મેદાનથી દૂર છે. હોસ્પિટલમાં એક મહિનાથી વધુ સમય વિતાવ્યા બાદ પંત હાલમાં ઘરે સ્વસ્થ થઈ રહ્યો છે.
આ દરમિયાન સુરેશ રૈના, હરભજન સિંહ અને એસ શ્રીસંત રિષભ પંતને તેના ઘરે મળ્યા હતા. સુરેશ રૈનાએ પોતાના ટ્વિટર હેન્ડલ પર આ મીટિંગની તસવીર શેર કરી છે.
રૈનાએ તસવીરના કેપ્શનમાં લખ્યું છે કે, “ભાઈઓનો પ્રેમ જ સર્વસ્વ છે. પરિવાર તે છે જ્યાં તમારું હૃદય હોય છે. અમે પંતના ઝડપી સ્વસ્થ થવાની ઈચ્છા કરીએ છીએ.”
આ તસવીર હવે સોશિયલ મીડિયા પર ઝડપથી વાયરલ થઈ રહી છે, જેમાં પંત તેના મિત્રોને મળ્યા બાદ ખૂબ જ ખુશ જોવા મળી રહ્યા છે. તસવીરમાં પંતના ઘૂંટણ પર સપોર્ટ ગાર્ડ સ્પષ્ટપણે જોઈ શકાય છે.
Brotherhood is everything ..family is where our heart is..wishing our brother @RishabhPant17 the very best and fast recovery @harbhajan_singh @sreesanth36 pic.twitter.com/7ngs4HKPVX
— Suresh Raina🇮🇳 (@ImRaina) March 25, 2023