દિલ્હી પ્રીમિયર લીગ (DPL) 2026માં પૂર્વ ભારતીય ઓપનર વીરેન્દ્ર સહેવાગના પુત્ર આર્યવીર સહેવાગે પોતાની બેટિંગથી ફરી એકવાર સૌનું ધ્યાન ખેંચ્યું છે. વેસ્ટ દિલ્હી લાયન્સ તરફથી રમતા આર્યવીરે ન્યૂ દિલ્હી ટાઇગર્સ સામેની મેચમાં માત્ર 14 બોલમાં 22 રનની ઝડપી ઇનિંગ રમી હતી. તેની આ નાની પરંતુ આકર્ષક ઇનિંગમાં ચાર ચોગ્ગા સામેલ હતા. ખાસ વાત એ રહી કે તેણે ફ્રન્ટ ફૂટ અને બેકફૂટ બંને પરથી શાનદાર કવર ડ્રાઇવ ફટકારી પોતાની ટેકનિકનો પરિચય આપ્યો.
18 વર્ષીય જમણા હાથના બેટ્સમેન આર્યવીરે ધ્રુવ બિંદ્રાની બોલિંગ સામે ફ્રન્ટ ફૂટ પર આગળ આવીને કવર તરફ સુંદર ચોગ્ગો ફટકાર્યો હતો. ત્યારબાદ તેણે બેકફૂટ પંચનો ઉપયોગ કરીને ફરી કવર્સની દિશામાં બાઉન્ડ્રી મેળવી હતી. આ બંને શોટમાં તેની બેટિંગ ટેકનિક અને બોલને યોગ્ય રીતે પસંદ કરવાની ક્ષમતા સ્પષ્ટ જોવા મળી હતી. જોકે મનીષ સેહરાવતની બોલિંગમાં બોલ્ડ થયા બાદ તેની ઇનિંગનો અંત આવ્યો હતો.
મેચમાં ન્યૂ દિલ્હી ટાઇગર્સે પ્રથમ બેટિંગ કરીને 6 વિકેટે 195 રન બનાવ્યા હતા. તેના જવાબમાં વેસ્ટ દિલ્હી લાયન્સે 19.2 ઓવરમાં ચાર વિકેટ ગુમાવીને લક્ષ્ય હાંસલ કરી છ વિકેટે જીત મેળવી હતી. કેપ્ટન આયુષ દોસેગાએ અણનમ 64 રન બનાવ્યા, જ્યારે ભારત માટે રમી ચૂકેલા નીતિશ રાણાએ 23 બોલમાં 50 રનની આક્રમક ઇનિંગ રમી હતી.
વેસ્ટ દિલ્હી લાયન્સની આ નવ મેચમાં ચોથી જીત હતી અને ટીમ નવ પોઈન્ટ સાથે પોઈન્ટ્સ ટેબલમાં પાંચમા સ્થાને પહોંચી છે. આર્યવીરની બેટિંગમાં જોવા મળેલા ક્લાસિકલ શોટ્સે ફરી ચર્ચા જગાવી છે અને ક્રિકેટ ચાહકો હવે સહેવાગના પુત્ર પાસેથી ભવિષ્યમાં મોટી ઇનિંગ્સની આશા રાખી રહ્યા છે.
दिल्ली प्रेमियर लीग में कल वीरेन्द्र सहवाग का बेटा
आर्यविर सेहवाग ने शानदार शुरवात किया …बड़ा score तो नही बना पाये लेकिन हर शॉर्ट अच्छा
लगा रहें थे …14 बॉल पर 22 रन बनाये कल ,,
उम्मीद है भविष्य में अपने पिता जी जैसा बड़ा खिलाड़ी
बनके दिखाएंगे । pic.twitter.com/g36HOvFtis— Manish Yadav (@ManishY71326383) August 20, 2026