મુંબઈ ફરી એકવાર રણજી ચેમ્પિયન બન્યું છે. તેણે ફાઇનલમાં વિદર્ભને 169 રનથી હરાવીને આ સફળતા મેળવી હતી. મુંબઈની ટીમ રણજી ટ્રોફીના ઈતિહાસમાં રેકોર્ડ 48મી ફાઈનલ રમી રહી હતી.
વિદર્ભની ટીમની આ ત્રીજી ફાઈનલ હતી. મુંબઈનું આ 42મું રણજી ટ્રોફી ટાઈટલ છે. રણજીમાં 9 વર્ષ બાદ મુંબઈની આ જીત છે. છેલ્લા 9 વર્ષથી ખિતાબનો દુકાળ હતો. તેણે છેલ્લે 2015-16માં આ ખિતાબ જીત્યો હતો.
મુંબઈના વાનખેડે સ્ટેડિયમમાં રમાયેલી ફાઈનલમાં મુંબઈની ટીમ ચેમ્પિયનની જેમ રમી હતી. બીજા દાવમાં 538 રનના લક્ષ્યનો પીછો કરવા ઉતરેલી વિદર્ભ તેની બીજી ઇનિંગમાં માત્ર 368 રન જ બનાવી શકી હતી. એક સમયે વિદર્ભે 133 રનના સ્કોર પર તેની પ્રથમ 4 વિકેટ ગુમાવી દીધી હતી. ટીમ જ્યારે અટવાઈ ગઈ હતી ત્યારે કરુણ નાયર અને કેપ્ટન અક્ષય વાડકર વચ્ચે પાંચમી વિકેટ માટે 90 રનની ભાગીદારી થઈ હતી. આ પછી કરુણ નાયર આઉટ થયા બાદ અક્ષય વાડકર અને હર્ષ દુબેએ મળીને છઠ્ઠી વિકેટ માટે 130 રનની ભાગીદારી કરી હતી. વાડકરે 102 રનની ઇનિંગ રમી હતી અને હર્ષ દુબેએ 65 રનની ઇનિંગ રમી હતી.
મુંબઈનું 42મું ટાઈટલ:
વિદર્ભને ફાઇનલમાં જીતવા માટે 538 રનનો ટાર્ગેટ મળ્યો હતો. જવાબમાં વિદર્ભની ટીમ તેના બીજા દાવમાં માત્ર 368 રન બનાવી શકી અને જીતથી 169 રન દૂર રહી. મુંબઈ તરફથી તનુષ કોટિયને બીજી ઇનિંગમાં સૌથી વધુ 4 વિકેટ ઝડપી હતી. મુંબઈનું આ 42મું રણજી ટ્રોફી ટાઈટલ છે. ટીમ અત્યાર સુધીમાં 48 ફાઈનલ મેચ રમી ચુકી છે.
𝐕𝐢𝐜𝐭𝐨𝐫𝐲 𝐟𝐨𝐫 𝐌𝐮𝐦𝐛𝐚𝐢!
Dhawal Kulkarni takes the final wicket as they beat Vidarbha by 169 runs in the @IDFCFIRSTBank #RanjiTrophy #Final in Mumbai
Brilliant performance from the Ajinkya Rahane-led side 👌
Scorecard ▶️ https://t.co/k7JhkLhgT5 pic.twitter.com/Iu458SZF2F
— BCCI Domestic (@BCCIdomestic) March 14, 2024