યુવા ઓફ-સ્પિનર શ્રેયંકા પાટીલને ગયાના એમેઝોન વોરિયર્સ દ્વારા કરારબદ્ધ કરવામાં આવી છે, જેનાથી તે મહિલા કેરેબિયન પ્રીમિયર લીગ (WCPL)માં ભાગ લેનારી પ્રથમ ભારતીય બની છે. વિમેન્સ કેરેબિયન પ્રીમિયર લીગ 31 ઓગસ્ટથી 10 સપ્ટેમ્બર સુધી રમાશે.
BCCI (ભારતીય ક્રિકેટ બોર્ડ) એ ભારતીય મહિલા ક્રિકેટરોને કેપ્ટન હરમનપ્રીત કૌર, સ્મૃતિ મંધાના, જેમિમાહ રોડ્રિગ્સ, શેફાલી વર્મા, દીપ્તિ શર્મા અને રિચા ઘોષ જેવી ટોચની ખેલાડીઓ સાથે ઓસ્ટ્રેલિયા અને ઈંગ્લેન્ડમાં WBBLમાં રમવાની મંજૂરી આપી છે.
શ્રેયંકા, જે રોયલ ચેલેન્જર્સ બેંગ્લોર (RCB) માટે વિમેન્સ પ્રીમિયર લીગમાં રમે છે, તે સિનિયર આંતરરાષ્ટ્રીય ડેબ્યૂ કરતા પહેલા વિદેશી લીગમાંથી કોન્ટ્રાક્ટ ઓફર કરવામાં આવનાર પ્રથમ મહિલા ખેલાડી હશે.
કર્ણાટકના ઓલરાઉન્ડરે માર્ચની શરૂઆતમાં વિમેન્સ પ્રીમિયર લીગ (WPL) ની શરૂઆતની સિઝનમાં રોયલ ચેલેન્જર્સ બેંગ્લોર (RCB)ના નિરાશાજનક અભિયાનમાં પ્રભાવશાળી પ્રદર્શન કર્યું હતું. તેણીએ સાત મેચોમાં 9.84ના ઇકોનોમી રેટથી છ વિકેટ લીધી હતી અને તે તેની ટીમની સૌથી વધુ વિકેટ લેનાર ખેલાડી હતી, જ્યારે બેટ વડે તેણે 151.21ના સ્ટ્રાઇક રેટથી 6 ઇનિંગ્સમાં 62 રન બનાવ્યા હતા.
ગુયાના એમેઝોન વોરિયર્સ માટે વેસ્ટ ઈન્ડિઝની મહિલા ટીમની ભૂતપૂર્વ કેપ્ટન સ્ટેફની ટેલરની આગેવાનીમાં શ્રેયંકા પાટીલની 15 સભ્યોની ટીમમાં પસંદગી કરવામાં આવી હતી. ભારતીય યુવા ખેલાડીની સાથે સુઝી બેટ્સ, સોફી ડેવાઇન અને શબનિમ ઈસ્માઈલ ટીમમાં અન્ય ત્રણ વિદેશી ખેલાડીઓ હશે.
ગયાના મહિલા WCPL 2023 ની તેમની પ્રથમ મેચ બાર્બાડોસ રોયલ્સ વિમેન સામે 31મી જુલાઈએ કેન્સિંગ્ટન ઓવલ, બાર્બાડોસ ખાતે રમશે. 2 ઓગસ્ટે તેનો મુકાબલો ડિફેન્ડિંગ ચેમ્પિયન ટ્રિનબેગો નાઈટ રાઈડર્સ વિમેન સામે થશે.
Shreyanka Patil will be part of women's CPL this year.
She becomes the first Indian to be part of women's CPL! pic.twitter.com/yxJZdA2AON
— Mufaddal Vohra (@mufaddal_vohra) June 30, 2023