યુરોપમાં ક્રિકેટને નવી ઊંચાઈ આપવાના હેતુથી શરૂ થનારી યુરોપિયન ટી20 પ્રીમિયર લીગ (ETPL)ની પ્રથમ સીઝનનો કાઉન્ટડાઉન શરૂ થઈ ગયો છે. ટૂર્નામેન્ટનો પ્રારંભ 26 ઓગસ્ટ 2026થી થશે અને ફાઇનલ 20 સપ્ટેમ્બરના રોજ રમાશે. આ લીગને ICCની મંજૂરી મળી છે અને તેમાં વિશ્વ ક્રિકેટના અનેક સ્ટાર ખેલાડીઓ ભાગ લેવાના હોવાથી ક્રિકેટપ્રેમીઓમાં ભારે ઉત્સાહ જોવા મળી રહ્યો છે.
ETPLમાં કુલ 6 ફ્રેન્ચાઇઝી ટીમો ભાગ લેશે, જે આયર્લેન્ડ, સ્કોટલેન્ડ અને નેધરલેન્ડ્સના શહેરોનું પ્રતિનિધિત્વ કરશે. ટૂર્નામેન્ટમાં કુલ 33 મેચો રમાશે અને તમામ ટીમો લીગ સ્ટેજમાં એકબીજા સામે ટકરાશે. ત્યારબાદ ટોચની ચાર ટીમો પ્લેઓફ માટે ક્વોલિફાય કરશે.
આ લીગનું સૌથી મોટું આકર્ષણ તેમાં રમનારા આંતરરાષ્ટ્રીય સ્ટાર ખેલાડીઓ છે. સ્ટીવ સ્મિથ, મિચેલ માર્શ, ગ્લેન મેક્સવેલ, ફાફ ડુ પ્લેસિસ, મિચેલ સેન્ટનર અને આર. અશ્વિન જેવા દિગ્ગજ ખેલાડીઓ પોતાની-પોતાની ટીમો માટે મેદાનમાં ઉતરશે. ખાસ કરીને ભારતીય દિગ્ગજ રવિચંદ્રન અશ્વિન ડબ્લિન ગાર્ડિયન્સના કેપ્ટન અને મેન્ટર તરીકે મહત્વની ભૂમિકા ભજવશે.
લીગનું આયોજન યુરોપમાં ક્રિકેટના વિકાસને ધ્યાનમાં રાખીને કરવામાં આવ્યું છે. આયોજકોનું માનવું છે કે ETPL દ્વારા સ્થાનિક પ્રતિભાશાળી ખેલાડીઓને વિશ્વસ્તરીય ક્રિકેટરો સાથે રમવાની તક મળશે, જે યુરોપિયન ક્રિકેટના ભવિષ્ય માટે મહત્વપૂર્ણ સાબિત થશે.
ભારતીય ક્રિકેટપ્રેમીઓ માટે પણ સારા સમાચાર છે, કારણ કે ETPLની મેચોનું પ્રસારણ જિયોસ્ટારના માધ્યમથી ભારતમાં ઉપલબ્ધ રહેશે. આ સાથે TNT Sports, Willow અને Cricbuzz જેવા વૈશ્વિક બ્રોડકાસ્ટર્સ પણ ટૂર્નામેન્ટનું પ્રસારણ કરશે.
The stage is set! The fixtures are locked 🏏🔥
The full schedule for the inaugural ETPL season is here!
European cricket enters a new era on August 26, featuring world-class stars, local talent, and blockbuster clashes.#ETPL pic.twitter.com/lo8sq64AKU
— European T20 Premier League (ETPL) (@etplofficial) July 28, 2026