શ્રીલંકામાં રમાઈ રહેલી લંકા પ્રીમિયર લીગ (LPL) 2026માં પૂર્વ ભારતીય ઓલરાઉન્ડર વિજય શંકર માટે એક મેચ ખૂબ જ નિરાશાજનક રહી. કાંડી રોયલ્સને અંતિમ ઓવરમાં જીત માટે 22 રનની જરૂર હતી અને ક્રિઝ પર અનુભવી વિજય શંકર હાજર હતો. ચાહકોને આશા હતી કે તે પોતાની ટીમને જીત અપાવશે, પરંતુ આખી ઓવર દરમિયાન તે એક પણ રન બનાવી શક્યો નહીં અને ટીમને રોમાંચક હારનો સામનો કરવો પડ્યો.
અંતિમ ઓવરમાં દબાણ એટલું વધારે હતું કે વિજય શંકર કોઈ પણ બોલ પર બાઉન્ડ્રી તો દૂર, સિંગલ પણ લઈ શક્યો નહીં. તેના કારણે કાંડી રોયલ્સ નિર્ધારિત લક્ષ્ય સુધી પહોંચી શકી નહીં. સોશિયલ મીડિયા પર પણ તેની આ ઇનિંગની ભારે ચર્ચા થઈ રહી છે અને ચાહકોએ તેની બેટિંગની ટીકા કરી છે.
વિજય શંકરે આ સીઝનની શરૂઆત સારી કરી હતી. તેણે પોતાના LPL ડેબ્યૂમાં માત્ર 18 બોલમાં અણનમ 41 રનની તોફાની ઇનિંગ રમી હતી અને પોતાની બેટિંગથી સૌનું ધ્યાન ખેંચ્યું હતું. જોકે ત્યારબાદની મેચોમાં તેનું પ્રદર્શન સતત રહ્યું નથી અને આ મેચ તેની મુશ્કેલીઓમાં વધુ વધારો કરતી સાબિત થઈ છે.
ભારતીય ક્રિકેટમાંથી નિવૃત્તિ લીધા બાદ વિજય શંકર પ્રથમ વખત વિદેશી ટી20 લીગમાં રમી રહ્યો છે. BCCIના નિયમો મુજબ ભારતીય ખેલાડીઓ આંતરરાષ્ટ્રીય ફ્રેન્ચાઇઝ લીગમાં રમવા માટે સ્થાનિક ક્રિકેટ અને IPLમાંથી નિવૃત્તિ લેવી પડે છે. આ નિયમ બાદ જ તેણે LPLમાં કાંડી રોયલ્સ સાથે કરાર કર્યો હતો.
હવે કાંડી રોયલ્સ અને વિજય શંકર બંને આગામી મેચોમાં આ નિરાશાજનક પ્રદર્શનને પાછળ છોડીને જીતના માર્ગે પરત ફરવાનો પ્રયાસ કરશે. ટીમને પ્લેઓફની રેસમાં ટકી રહેવા માટે આવનારી મેચોમાં વધુ સારું પ્રદર્શન કરવું જરૂરી બનશે.
आखिरी ओवर में जीत के लिए बनाने थे 22 रन, भारतीय खिलाड़ी से नहीं बना एक भी रन, आखिरी बॉल पर आउटhttps://t.co/ayUxYQfden
— India TV (@indiatvnews) July 31, 2026