ICC ODI વર્લ્ડ કપ 2023 પૂરો થયાને હજુ વધુ સમય નથી થયો, જ્યારે તમામ ટીમોએ આવતા વર્ષે T20 વર્લ્ડ કપ 2024 માટે પોતાની તૈયારીઓ શરૂ કરી દીધી છે. વેસ્ટ ઈન્ડિઝ અને યુએસ દ્વારા આયોજિત થનારી આ ઈવેન્ટ 3 જૂનથી શરૂ થશે જ્યારે ટાઈટલ મેચ 30 જૂને રમાશે.
T20 વર્લ્ડ કપના ઈતિહાસમાં પ્રથમ વખત કુલ 20 ટીમો ભાગ લેશે, જેમાં નામિબિયા અને યુગાન્ડાએ છેલ્લી બે ટીમ તરીકે આફ્રિકન ક્ષેત્રમાંથી ક્વોલિફાય કર્યું છે. જ્યારે ઝિમ્બાબ્વેની ટીમ ટી20 વર્લ્ડ કપ 2024માં રમતી જોવા નહીં મળે.
T20 વર્લ્ડ કપમાં તમામ 20 ટીમોને પાંચ-પાંચના ચાર ગ્રુપમાં વહેંચવામાં આવશે, જેમાં દરેક ગ્રુપમાંથી ટોપ-2 ટીમ સુપર-8 માટે ક્વોલિફાય થશે. આ પછી, આ આઠ ટીમોને પણ ચાર-ચારના બે જૂથોમાં વહેંચવામાં આવશે. આ પછી, બંને જૂથોમાંથી પ્રથમ બે સ્થાન મેળવનારી ટીમો સેમિફાઇનલ માટે પોતાનું સ્થાન નિશ્ચિત કરશે.
આ વખતે T20 વર્લ્ડ કપ પહેલા કરતા ઘણો મોટો હશે, જેમાં વિવિધ પ્રદેશોની ટીમો રમતી જોવા મળશે. મુખ્ય ટીમો ઈંગ્લેન્ડ, ભારત, ઓસ્ટ્રેલિયા, નેધરલેન્ડ, પાકિસ્તાન, દક્ષિણ આફ્રિકા અને શ્રીલંકાએ પ્રથમ આઠ સ્થાનો પર કબજો કરીને T20 વર્લ્ડ કપ 2022 માટે ક્વોલિફાય કર્યું હતું, જ્યારે અફઘાનિસ્તાન અને બાંગ્લાદેશે T20 રેન્કિંગના આધારે પોતાનું સ્થાન બનાવ્યું હતું.
ક્વોલિફાયર વિશે વાત કરતાં, કેનેડાએ અમેરિકન ક્વોલિફાયર સાથે તેનું સ્થાન નિશ્ચિત કર્યું. જ્યારે નેપાળ અને ઓમાન એશિયામાં યોજાયેલા ક્વોલિફાયરમાં પહોંચવામાં સફળ રહ્યા હતા. આ સિવાય પપુઆ ન્યુ ગિનીએ ઈસ્ટ-એશિયા પેસિફિક ક્વોલિફાયરમાં પોતાનું સ્થાન સુરક્ષિત કર્યું, જ્યારે આયર્લેન્ડ અને સ્કોટલેન્ડે યુરોપ ક્વોલિફાયરમાં અને નામીબિયા અને યુગાન્ડાએ આફ્રિકામાં યોજાયેલા ક્વોલિફાયર રાઉન્ડમાંથી ટી20 વર્લ્ડ કપ 2024માં પોતાનું સ્થાન સુરક્ષિત કર્યું.
The format for T20 World Cup 2024:
🏏 20 Teams
⭐ 5 teams divided into 4 groups
👊 Top 2 teams from each group qualify into Super 8
🤝 Teams in Super 8 will be divided into 2 Groups
💪 2 Teams from each group of Super 8 will qualify into SemisA cracking World Cup on the way. pic.twitter.com/Xpb2MRVr4X
— Johns. (@CricCrazyJohns) November 30, 2023