ICC ટી-20 વર્લ્ડ કપ 2021નું ટાઈટલ કઈ ટીમ જીતશે તે 14 નવેમ્બરે નક્કી થશે. પાકિસ્તાન, ઈંગ્લેન્ડ, ન્યુઝીલેન્ડ અથવા ઓસ્ટ્રેલિયામાંથી કોઈ એક ટીમ આ ખિતાબ જીતશે.
પાકિસ્તાન અને ઈંગ્લેન્ડ પોતપોતાના ગ્રુપમાં નંબર-1 રહીને સેમીફાઈનલમાં પહોંચી ગયા છે. આ ટૂર્નામેન્ટમાં પાકિસ્તાન એકમાત્ર એવી ટીમ છે જે અત્યાર સુધી અજેય રહી છે. દક્ષિણ આફ્રિકાના પૂર્વ કેપ્ટન ફાફ ડુ પ્લેસિસનું માનવું છે કે પાકિસ્તાન આ વખતે ટી-20 વર્લ્ડ કપનો ખિતાબ જીતી શકે છે. પાકિસ્તાને લીગ રાઉન્ડમાં ભારત, ન્યુઝીલેન્ડ જેવી મજબૂત ટીમોને હરાવી છે.
સાઉથ આફ્રિકાની ટીમ ચાર મેચ જીત્યા બાદ પણ સેમીફાઈનલમાં જગ્યા બનાવી શકી ન હતી, ઈંગ્લેન્ડ અને ઓસ્ટ્રેલિયા સારા નેટ રન રેટ મુજબ સેમીફાઈનલમાં પહોંચી હતી. ડુ પ્લેસિસે કહ્યું, “પાકિસ્તાન ખિતાબ જીતવા માટે પ્રબળ દાવેદાર છે, પરંતુ મને લાગે છે કે ન્યૂઝીલેન્ડ પણ આ રેસમાં છે.” તે તાજેતરના સમયમાં ICC ટ્રોફી જીતવાની ખૂબ નજીક આવી ગઈ છે, તેથી મને લાગે છે કે કિવી ટીમ પણ ટાઇટલ જીતી શકે છે.”
ડુ પ્લેસીસે એમ પણ કહ્યું કે ટી20 વર્લ્ડ કપ પહેલા તેને એક વિચાર હતો કે તેને ટીમમાં જગ્યા નહીં મળે. તેણે કહ્યું, ‘આ મારો નિર્ણય નહોતો, પરંતુ મને પહેલેથી જ ખ્યાલ હતો કે હું ટીમનો ભાગ નહીં બનીશ. જ્યારે શ્રીલંકા પ્રવાસ માટે મારી પસંદગી ન થઈ ત્યારે મને લાગ્યું કે ટી-20 વર્લ્ડ કપ માટેની ટીમમાં મારો સમાવેશ નહીં થાય.