એશિયા કપ 2022માં આજે પાકિસ્તાન અને હોંગકોંગ વચ્ચે મેચ રમાવાની છે. જે પણ ટીમ આ મેચ જીતશે તે સુપર-4માં પહોંચી જશે અને હારનાર ટીમની સફર અહીં જ સમાપ્ત થશે.
ભારત સામે હોંગકોંગે જે રીતે પ્રદર્શન કર્યું તે જોતા પાકિસ્તાન માટે રસ્તો બહુ સરળ નથી. જો કે પાકિસ્તાન હાલમાં આ મેચમાં જીતનું દાવેદાર છે. મેચ પહેલા પાકિસ્તાનના કેપ્ટન બાબર આઝમ અને હોંગકોંગના કેપ્ટન નિઝાકત ખાન વચ્ચેની વાતચીતનો વીડિયો સોશિયલ મીડિયા પર વાયરલ થઈ રહ્યો છે. આ વીડિયો પાકિસ્તાન ક્રિકેટ બોર્ડ (PCB) દ્વારા શેર કરવામાં આવ્યો છે.
આ વીડિયોમાં નિઝાકતે પાકિસ્તાનના કેપ્ટન બાબર પાસેથી ટિપ માંગી છે. નિઝાકત ખાનનો જન્મ પાકિસ્તાનમાં જ થયો હતો. જમણા હાથના બેટ્સમેન હોવા ઉપરાંત, નિઝાકત લેગ બ્રેક બોલિંગ પણ કરે છે. પાકિસ્તાન તરફથી બાબર આઝમે અને હોંગકોંગ માટે નિઝાકતે ઇનિંગ્સની શરૂઆત કરી હતી. નિઝાકતે આ વીડિયોમાં બાબર પાસે બેટિંગ અંગે ટિપ માંગી હતી.
©️ meets ©️
Candid chat between the two skippers 🇵🇰🇭🇰#AsiaCup2022 | #PAKvHK pic.twitter.com/mMEwXihuiP
— Pakistan Cricket (@TheRealPCB) September 1, 2022
બંને કેપ્ટન વચ્ચેની વાતચીતનો વીડિયો સોશિયલ મીડિયા પર ખૂબ શેર થઈ રહ્યો છે. એશિયા કપ 2022માં ભારત, પાકિસ્તાન અને હોંગકોંગ ગ્રુપ Aમાં છે. ભારત આ બંને ટીમોને હરાવીને એશિયા કપના સુપર-4માં સ્થાન બનાવી ચૂક્યું છે અને આજે જે પણ ટીમ જીતશે તે સુપર-4માં પહોંચશે અને 4 સપ્ટેમ્બરે ફરી એકવાર ભારતનો સામનો કરશે.