ભારતે મંગળવારે વાનખેડે સ્ટેડિયમમાં શ્રીલંકા સામેની પ્રથમ T20 રોમાંચક રીતે 2 રને જીતી લીધી હતી. પ્રથમ બેટિંગ કરતા ભારતે 5 વિકેટના નુકસાન પર 162 રન બનાવ્યા હતા જેના જવાબમાં શ્રીલંકા માત્ર 160 રનના સ્કોર સુધી જ પહોંચી શકી હતી.
મેચમાં ભારત માટે દીપક હુડ્ડાએ 23 બોલમાં 41 રનની તોફાની ઇનિંગ રમી હતી, જેના માટે તેને મેન ઓફ ધ મેચનો એવોર્ડ આપવામાં આવ્યો હતો. આ એવોર્ડ મેળવ્યા બાદ પોતાની તોફાની ઇનિંગ્સ પર બોલતા તેણે કહ્યું કે તે જાણે છે કે સ્પિનરોને કેવી રીતે નિશાન બનાવવું.
દીપકે કહ્યું, “હું જે નંબર પર બેટિંગ કરું છું તે પ્રમાણે પ્રેક્ટિસ કરવાનો હું શ્રેષ્ઠ પ્રયાસ કરું છું. અમે ચર્ચા કરી રહ્યા હતા કે તે 2-3 હિટની વાત છે અને અમને થોડી ગતિ મળશે. હું દરેક રીતે યોગદાન આપવા માંગુ છું. હું હાલ રમીને આવ્યો છું ડોમેસ્ટિક ક્રિકેટ અને સ્પિનરોને કેવી રીતે ટાર્ગેટ કરવું તે જાણું છું.”
મેચની વાત કરીએ તો શ્રીલંકાએ ટોસ જીતીને ભારતને પ્રથમ બેટિંગ માટે આમંત્રણ આપ્યું હતું. દીપકે 23 બોલમાં 41 રન બનાવ્યા જ્યારે અક્ષરે 20 બોલમાં 31 રન બનાવી ભારતને 162 રન સુધી પહોંચાડ્યું. જવાબમાં 163 રનના લક્ષ્યનો પીછો કરતા શ્રીલંક ટીમ ભારતના હાથો 2 રનથી મેચ હારી ગઈ.