ભારતીય મહિલા ક્રિકેટ ટીમે ઇંગ્લેન્ડ પ્રવાસની શાનદાર શરૂઆત કરતાં પ્રથમ T20 મુકાબલામાં ઇંગ્લેન્ડને 38 રને હરાવી સિરીઝમાં 1-0ની લીડ મેળવી છે. ચેલ્મ્સફોર્ડ ખાતે રમાયેલી આ મેચમાં ભારતે બેટિંગ અને બોલિંગ બંને વિભાગમાં પ્રભુત્વ બતાવ્યું.
ટોસ હાર્યા બાદ પ્રથમ બેટિંગ કરવા ઉતરેલી ભારતીય ટીમની શરૂઆત સારી રહી નહોતી અને શરૂઆતમાં જ બે વિકેટ ગુમાવી હતી. જોકે ત્યારબાદ જેમિમાહ રોડ્રિગ્ઝ અને યાસ્તિકા ભાટિયાએ શાનદાર ભાગીદારી રચી ઇનિંગ્સને સંભાળી લીધી. જેમિમાહે માત્ર 40 બોલમાં 69 રનની તોફાની ઇનિંગ્સ રમી, જ્યારે લાંબા સમય બાદ ટીમમાં વાપસી કરનાર યાસ્તિકાએ 54 રન બનાવ્યા. બંને વચ્ચે સદીથી વધુ રનની ભાગીદારી થઈ હતી, જેના કારણે ભારતે 20 ઓવરમાં 188/7નો મજબૂત સ્કોર ઉભો કર્યો.
189 રનના લક્ષ્યનો પીછો કરવા ઉતરેલી ઇંગ્લેન્ડની ટીમે શરૂઆત સારી કરી હતી, પરંતુ ભારતીય બોલરોએ મધ્ય ઓવરોમાં મેચ પર પકડ મજબૂત બનાવી દીધી. ડેબ્યૂ મેચ રમનાર નંદિની શર્માએ શાનદાર બોલિંગ કરતાં મહત્વપૂર્ણ ત્રણ વિકેટ ઝડપી હતી. તેની સાથે દીપ્તિ શર્મા અને અન્ય બોલરોએ પણ દબાણ જાળવી રાખ્યું, જેના કારણે ઇંગ્લેન્ડની ટીમ 20 ઓવરમાં 150/8 સુધી જ પહોંચી શકી. ઇંગ્લેન્ડ તરફથી એમી જોન્સે 67 રનની લડાયક ઇનિંગ્સ રમી, પરંતુ તેને અન્ય બેટર્સનો પૂરતો સાથ મળ્યો નહોતો.
આ જીતથી ભારતીય મહિલા ટીમે આવનારા ICC મહિલા T20 વર્લ્ડ કપ પહેલા મજબૂત સંદેશ આપ્યો છે અને ટીમનો આત્મવિશ્વાસ પણ વધ્યો છે.
India Women won the first T20I by 38 runs 🔥😎✌👌👍🇮🇳.
𝐈𝐧𝐝𝐢𝐚: 𝟏𝟖𝟖/𝟕 (𝟐𝟎)
Jemimah Rodrigues – 69 (40)
Yastika Bhatia – 54 (49)
Lauren Bell – 3/34 (4)𝐄𝐧𝐠𝐥𝐚𝐧𝐝: 𝟏𝟓𝟎/𝟖 (𝟐𝟎)
Amy Jones – 67 (48)
Nandni Sharma – 3/34 (4)#INDWvENGW . pic.twitter.com/iBU8p5FRJN— 🏏Cricket-Soccer⚽ Nostalgiation . (@RiteshJ88156274) May 29, 2026