ટીમ ઈન્ડિયાએ વેસ્ટ ઈન્ડિઝ સામેની વન-ડે ઈન્ટરનેશનલ સિરીઝમાં 3-0થી ક્લીન સ્વીપ કર્યું હતું અને આ દરમિયાન પાકિસ્તાનનો વર્લ્ડ રેકોર્ડ તોડ્યો હતો અને હવે તેની પાસે ટી20 ઈન્ટરનેશનલમાં પણ આવી જ તક હશે.
ટીમ ઈન્ડિયાએ પાંચ મેચની T20 ઈન્ટરનેશનલ સિરીઝની ધમાકેદાર શરૂઆત કરી છે. ભારતે પ્રથમ T20 ઈન્ટરનેશનલ મેચ 68 રને જીતી હતી. જો ટીમ ઈન્ડિયા બીજી T20 ઈન્ટરનેશનલ મેચ જીતે છે, તો તે વેસ્ટ ઈન્ડિઝ સામે આ ફોર્મેટમાં સૌથી વધુ જીત નોંધાવવાના મામલે પાકિસ્તાનની બરાબરી કરી લેશે. વેસ્ટ ઈન્ડિઝે આ ફોર્મેટમાં પાકિસ્તાન સામે 15 જીત નોંધાવી છે, જે વેસ્ટ ઈન્ડિઝ સામે કોઈપણ ટીમ દ્વારા સૌથી વધુ T20 ઈન્ટરનેશનલ જીત છે.
ભારત વિશે વાત કરીએ તો, ભારતે જીતેલી શ્રેણીની પ્રથમ મેચ વેસ્ટ ઈન્ડિઝ સામેની કુલ 14મી જીત હતી. વેસ્ટ ઈન્ડિઝની ટીમની ગણતરી આ ફોર્મેટમાં સૌથી મજબૂત ટીમોમાં થાય છે. જોકે, ભારત માટે આ રેકોર્ડની બરાબરી કરવી આસાન નહીં હોય કારણ કે કેરેબિયન ટીમ પહેલી હારનું દુ:ખ ભૂલીને જોરદાર વાપસી કરવા ઈચ્છશે.
શ્રેણીની બીજી મેચ આજે ત્રિનિદાદમાં રમાવાની છે અને ત્યારબાદ બંને ટીમો આ મેદાન પર 2 ઓગસ્ટે શ્રેણીની ત્રીજી મેચ રમશે. સીરીઝની ચોથી અને પાંચમી મેચ અમેરિકાના ફ્લોરિડામાં રમાવાની છે. જે અનુક્રમે 6 અને 7 ઓગસ્ટે રમાશે. આ સાથે જ ભારતના વેસ્ટ ઈન્ડિઝ પ્રવાસનો અંત આવશે.