અફઘાનિસ્તાન ક્રિકેટ બોર્ડે મંગળવારે પાકિસ્તાન સામેની આગામી T20 આંતરરાષ્ટ્રીય શ્રેણી માટે 17 સભ્યોની ટીમની જાહેરાત કરી છે. અફઘાનિસ્તાનની ટીમ શારજાહમાં પાકિસ્તાન સામે ત્રણ T20 આંતરરાષ્ટ્રીય મેચોની યજમાની કરશે. બંને ટીમો વચ્ચે પ્રથમ મેચ 24 માર્ચે રમાશે.
21 વર્ષીય અનકેપ્ડ ખેલાડી સિદીકુલ્લાહ અટલને આંતરરાષ્ટ્રીય ક્રિકેટમાં પદાર્પણ કરવાની તક મળી શકે છે. અનુભવી બેટ્સમેન રહમત શાહ અને હઝરતુલ્લા ઝાઝાઈને ટીમમાંથી બહાર કરવામાં આવ્યા છે. ઝહીર ખાન અને નિજાત મસૂદને નંગ્યાલ ખરોતીની સાથે રિઝર્વમાં રાખવામાં આવ્યા છે.
પૂર્વ કેપ્ટન મોહમ્મદ નબીની અફઘાનિસ્તાન ટીમમાં વાપસી થઈ છે. T20 વર્લ્ડ કપ 2022માં અફઘાનિસ્તાનના ખરાબ પ્રદર્શન બાદ નબીએ કેપ્ટનશીપ પરથી રાજીનામું આપ્યું હતું. પરંતુ તેણે એમ પણ કહ્યું કે તે દેશ માટે રમવાનું ચાલુ રાખવા માંગે છે. જોકે, મેનેજમેન્ટે UAE સામેની T20 ઈન્ટરનેશનલ સિરીઝ માટે નબીને પડતો મૂકીને ચાહકોને ચોંકાવી દીધા હતા.
એસીબીના સીઈઓ નસીબ ખાને પાકિસ્તાન વિરુદ્ધ તેમની ટીમનું સમર્થન કર્યું અને કહ્યું કે પસંદગીકારોએ શ્રેણી માટે શ્રેષ્ઠ ખેલાડીઓની પસંદગી કરી છે. તેણે કહ્યું, ‘અમારી ટીમે પ્રશિક્ષણ શિબિરમાં સખત મહેનત કરી અને શ્રેણી માટે શ્રેષ્ઠ ખેલાડીઓની પસંદગી કરી. મને ખાતરી છે કે અમારી ટીમ સર્વશ્રેષ્ઠ પ્રદર્શન કરશે અને ટીમને ગૌરવ અપાવશે. શ્રેણી માટે અમારી ટીમને શુભેચ્છાઓ અને આશા છે કે તેઓ વિજયી બને.
અફઘાનિસ્તાનની ટી20 ટીમ નીચે મુજબ:
રશીદ ખાન (કેપ્ટન), રહેમાનુલ્લા ગુરબાઝ, ઈબ્રાહીમ ઝદરાન, ઉસ્માન ગની, સેદીકુલ્લાહ અટલ, નજીબુલ્લાહ ઝદરાન, અફસાર ઝાઝાઈ, કરીમ જન્નત, મોહમ્મદ નબી, અઝમામુલ્લા ઓમરઝાઈ, ગુલાબદીન નાયબ, શરાફુદ્દીન અશરફ, નૂર અહેમદ, મુજીબ ઉર રહેમાન, ફરીદ અહેમદ. હક ફારૂકી અને નવીન ઉલ હક.
રિઝર્વ ખેલાડીઓ – નાંગ્યાલ ખરોતી, ઝહીર ખાન અને નિજાત મસૂદ.
🚨 ANNOUNCEMENT 🚨
AfghanAtalan's Lineup Revealed for the three-match T20I series against @TheRealPCB.
More Details 👉: https://t.co/jW1OzALbjN#AfghanAtalan | #AFGvPAK2023 | #LobaBaRangRawri pic.twitter.com/7Vp9Uewrr4
— Afghanistan Cricket Board (@ACBofficials) March 21, 2023