ઇંગ્લેન્ડના અનુભવી લેગ સ્પિનર આદિલ રશીદે ભારત સામે રમાયેલી ત્રીજી ટી20 આંતરરાષ્ટ્રીય મેચમાં એક મોટી સિદ્ધિ પોતાના નામે નોંધાવી છે. આ મેચમાં બે વિકેટ ઝડપી તેણે ટી20 આંતરરાષ્ટ્રીય ક્રિકેટમાં સૌથી વધુ વિકેટ લેનારા બોલરોની યાદીમાં બીજું સ્થાન હાંસલ કર્યું છે. આ ઉપલબ્ધિ સાથે તેણે ન્યૂઝીલેન્ડના ઈશ સોઢીને પાછળ છોડી દીધા છે અને હવે માત્ર અફઘાનિસ્તાનના સ્ટાર સ્પિનર રશીદ ખાન જ તેની આગળ છે.
ટ્રેન્ટ બ્રિજ ખાતે રમાયેલી આ મેચમાં ઇંગ્લેન્ડે ભારતને 125 રનથી કારમી હાર આપી હતી. ઇંગ્લેન્ડના બોલરોએ શરૂઆતથી જ ભારતીય બેટિંગ પર દબદબો જમાવ્યો હતો. આદિલ રશીદે પણ પોતાની ચતુર લેગ સ્પિનથી બે મહત્વની વિકેટ ઝડપી અને ટીમની જીતમાં મહત્વપૂર્ણ યોગદાન આપ્યું. ભારતની આખી ટીમ માત્ર 76 રનમાં સમેટાઈ ગઈ હતી, જે ટીમના ટી20 ઇતિહાસની સૌથી મોટી હાર તરીકે નોંધાઈ છે.
આદિલ રશીદ છેલ્લા ઘણા વર્ષોથી ઇંગ્લેન્ડના સૌથી વિશ્વસનીય સ્પિનરોમાં સામેલ રહ્યા છે. તેઓ સતત વિવિધ પરિસ્થિતિઓમાં વિકેટ લેવામાં સફળ રહ્યા છે અને દબાણની ક્ષણોમાં પણ શાનદાર બોલિંગ કરે છે. તેની કિર્દીમાં અનેક યાદગાર પ્રદર્શન જોવા મળ્યા છે અને હવે આ નવો રેકોર્ડ તેમની સફળ કારકિર્દીમાં વધુ એક ગૌરવપૂર્ણ સિદ્ધિ બની ગયો છે.
ટી20 આંતરરાષ્ટ્રીય ક્રિકેટમાં સૌથી વધુ વિકેટ લેનારા બોલરોની યાદીમાં હવે પ્રથમ સ્થાને રશીદ ખાન છે, જ્યારે બીજા સ્થાને આદિલ રશીદ પહોંચી ગયા છે. તેની આ સિદ્ધિએ માત્ર ઇંગ્લેન્ડ ક્રિકેટ માટે જ નહીં પરંતુ વિશ્વ ક્રિકેટમાં પણ તેની પ્રતિષ્ઠા વધુ મજબૂત બનાવી છે. જો તેઓ આવનારી મેચોમાં પણ આ જ લય જાળવી રાખશે તો વધુ નવા રેકોર્ડ્સ તેના નામે નોંધાઈ શકે છે.
Moving on up 📈
Adil Rashid moves to 2nd in the all-time men’s IT20 wicket-takers list 👏 pic.twitter.com/4mNHPsL3st
— England Cricket (@englandcricket) July 7, 2026