અખિલ ભારતીય મહિલા પસંદગી સમિતિએ સોમવારે દક્ષિણ આફ્રિકા સામેની અંડર-19 મહિલા ટી20 શ્રેણી અને ત્યારપછીના અંડર-19 મહિલા વર્લ્ડ કપ માટે ટીમની જાહેરાત કરી હતી.
દક્ષિણ આફ્રિકાની અંડર-19 ટીમ સામે T20 શ્રેણી બાદ ICC અંડર-19 મહિલા વર્લ્ડ કપ રમાવાનો છે. અંડર-19 મહિલા વર્લ્ડ કપ માત્ર દક્ષિણ આફ્રિકામાં જ રમાશે. અંડર-19 મહિલા વર્લ્ડ કપની આ પ્રથમ આવૃત્તિ હશે અને 14 થી 29 જાન્યુઆરી 2023 દરમિયાન દક્ષિણ આફ્રિકામાં રમાશે. તેમાં 16 ટીમો ભાગ લેશે. ભારત ગ્રુપ Dમાં દક્ષિણ આફ્રિકા, UAE અને સ્કોટલેન્ડની સાથે હશે. અંડર-19 ટીમની કમાન શેફાલી વર્માને સોંપવામાં આવી છે.
શેફાલી વર્મા આવતા વર્ષે 28 જાન્યુઆરીએ 19 વર્ષની થશે. શેફાલીએ ભારત માટે બે ટેસ્ટ, 21 વનડે અને 46 ટી20 આંતરરાષ્ટ્રીય મેચ રમી છે. આંતરરાષ્ટ્રીય ક્રિકેટમાં તેનો અનુભવ અંડર-19 વર્લ્ડ કપમાં ભારત માટે પ્લસ પોઈન્ટ બની શકે છે.
Here's India Women Under-19's #T20WorldCup squad 🔽 pic.twitter.com/5b0b5mLffs
— BCCI Women (@BCCIWomen) December 5, 2022
U-19 મહિલા વર્લ્ડ કપ 2023 માટેની ભારતીય ટીમ: શેફાલી વર્મા (કેપ્ટન), શ્વેતા શેરાવત (વાઈસ-કેપ્ટન), રિચા ઘોષ (વિકેટ-કીપર), જી ત્રિશા, સૌમ્યા તિવારી, સોનિયા મેહડિયા, હર્લે ગાલા, રિશિતા બસુ (વિકેટ- કીપર), સોનમ યાદવ, મન્નત કશ્યપ, અર્ચના દેવી, પાર્શ્વી ચોપરા, તિતાસ સાધુ, ફલક નાઝ, શબનમ મોહમ્મદ.
સ્ટેન્ડબાય: શિખા, નાઝિયા સીએમસી, યશશ્રી.