ગુજરાત ટાઇટન્સ સામેની મેચમાં પંજાબ કિંગ્સના ઓપનર શિખર ધવને એક મોટો રેકોર્ડ પોતાના નામે કરી લીધો છે. શિખર ધવન T20 ફોર્મેટમાં હજાર ચોગ્ગા મારનાર ખેલાડી બની ગયો છે.
આવું કરનાર તે પ્રથમ ભારતીય ખેલાડી બની ગયો છે. તેના પહેલા કોઈ બેટ્સમેને આ ફોર્મેટમાં હજાર ચોગ્ગા ફટકાર્યા નથી.
શિખર ધવને લોકી ફર્ગ્યુસન સામે સતત બે બોલમાં બે ચોગ્ગા ફટકાર્યા હતા. ધવને બીજી બાઉન્ડ્રી ફટકારતાની સાથે જ રેકોર્ડ બુકમાં પોતાનું નામ નોંધાવ્યું છે. T20 ફોર્મેટમાં સૌથી વધુ ચોગ્ગા મારનારા બેટ્સમેનોની વાત કરીએ તો આ યાદીમાં ક્રિસ ગેલનું નામ સૌથી ઉપર આવે છે. ગેઈલે આ ફોર્મેટમાં 1132 ચોગ્ગા ફટકાર્યા છે. બીજી તરફ જો ભારતીય ખેલાડીઓની વાત કરીએ તો ધવન પછી વિરાટ કોહલીનો નંબર આવે છે જેણે T20 ફોર્મેટમાં સૌથી વધુ ચોગ્ગા ફટકાર્યા છે. વિરાટે હવે T20 ફોર્મેટમાં 917 ચોગ્ગા ફટકાર્યા છે. રેકોર્ડ જુઓ –
T20માં સૌથી વધુ ચોગ્ગા મારનાર બેટ્સમેન:
1132 : ક્રિસ ગેલ
1054 : એલેક્સ હેલ્સ
1005 : ડેવિડ વોર્નર
1004 : એરોન ફિન્ચ
1000 : શિખર ધવન*
ભારતીય બેટ્સમેનો દ્વારા સૌથી વધુ ચોગ્ગા:
1000 : શિખર ધવન*
917 : વિરાટ કોહલી
875 : રોહિત શર્મા
779 : સુરેશ રૈના