ક્રિકેટ સાઉથ આફ્રિકા (CSA) એ ઓક્ટોબર-નવેમ્બરમાં ઓસ્ટ્રેલિયામાં યોજાનાર T20 વર્લ્ડ કપ 2022 માટે તેની ટીમની પસંદગી કરી છે. ટોચના બેટ્સમેન રાસી વાન ડેર ડુસેનને 15 સભ્યોની ટીમમાં બાકાત રાખવામાં આવ્યો છે.
ટીમની કપ્તાની ટેમ્બા બાવુમાને સોંપવામાં આવી છે. આ જ 15 સભ્યોની ટીમ આ મહિનાના અંતમાં ત્રણ મેચની T20I શ્રેણી માટે ભારતનો પ્રવાસ પણ કરશે.
ડુસેનને ઈંગ્લેન્ડ સામેની બીજી ટેસ્ટ દરમિયાન આંગળીમાં ઈજા થઈ હતી અને હવે તેની સર્જરી થવાની આશા છે. તેને ઈજામાંથી સાજા થવામાં ઓછામાં ઓછા છ સપ્તાહનો સમય લાગશે. દક્ષિણ આફ્રિકા માટે સારા સમાચાર એ છે કે સુકાની ટેમ્બા બાવુમા જૂનમાં ભારત સામેની T20I શ્રેણી દરમિયાન કોણીની ઈજામાંથી સંપૂર્ણ રીતે સ્વસ્થ થઈ ગયો છે અને તે સતત બીજા વિશ્વ કપ માટે દક્ષિણ આફ્રિકાની ટીમનું સુકાની બનવા માટે તૈયાર છે. તે જ સમયે, રિલે રુસો પણ દક્ષિણ આફ્રિકાની T20 ટીમમાં પરત ફર્યો છે.
સાઉથ આફ્રિકાએ ટી20 વર્લ્ડ કપ 2022 તેમજ આ મહિનાના અંતમાં ભારતમાં રમાનાર ત્રણ મેચની ટી20 સિરીઝ માટે ટીમની જાહેરાત કરી દીધી છે અને ટી20 વર્લ્ડ કપ 2022 માટે પસંદ કરાયેલી 15 સભ્યોની ટીમ જ ભારતનો પ્રવાસ કરશે.
🚨 JUST IN: South Africa have unveiled their squad for the ICC Men's #T20WorldCup 2022 ⬇️
— ICC (@ICC) September 6, 2022
T20 વર્લ્ડ કપ અને ભારત પ્રવાસ માટે દક્ષિણ આફ્રિકાની ટીમઃ ટેમ્બા બાવુમા (કેપ્ટન), ક્વિન્ટન ડી કોક, હેનરિક ક્લાસેન, રીઝા હેન્ડ્રીક્સ, કેશવ મહારાજ, એઈડન માર્કરામ, ડેવિડ મિલર, લુંગી એનગીડી, એનરિક નોર્ટજે, વેઈન પાર્નેલ, ડ્વેન પ્રિટોરિયસ, કાબા , રિલે રોસોઉ, તબરેઝ શમ્સી.
રિઝર્વ ખેલાડીઓ: જોર્ન ફોર્ટ્યુન, માર્કો જેન્સેન અને એન્ડીલે ફેહલુકવાયો.