ન્યુઝીલેન્ડે આગામી T20 વર્લ્ડ કપ માટે તેની 15 ખેલાડીઓની ટીમની જાહેરાત કરી છે. ઓસ્ટ્રેલિયામાં આવતા મહિને શરૂ થનારી ICC ટુર્નામેન્ટ માટે કેન વિલિયમસનને ટીમની કમાન સોંપવામાં આવી છે.
2021ની ફાઇનલિસ્ટ ન્યુઝીલેન્ડે ગયા વર્ષની ટીમમાં ત્રણ ફેરફારો કર્યા છે. ઝડપી બોલર લોકી ફર્ગ્યુસન, માઈકલ બ્રેસવેલ અને ફિન એલનને કાઈલ જેમિસન, ટોડ એસ્ટલી અને ટિમ સેફર્ટની જગ્યાએ ટીમમાં સામેલ કરવામાં આવ્યા છે. સેન્ટ્રલ કોન્ટ્રાક્ટમાંથી બહાર રહેલા ન્યૂઝીલેન્ડના ફાસ્ટ બોલર ટ્રેન્ટ બોલ્ટ અને ઓલરાઉન્ડર જિમી નીશમને પણ ટીમમાં જગ્યા મળી છે.
કેન વિલિયમસન ત્રીજી વખત ટી20 વર્લ્ડ કપમાં ન્યુઝીલેન્ડનું નેતૃત્વ કરશે, જ્યારે ટીમનો ઓપનર માર્ટિન ગુપ્ટિલ રેકોર્ડ સાતમી વખત ટી20 વર્લ્ડ કપ રમશે. તે જ સમયે, ફિન એલન અને માઈકલ બ્રેસવેલ તેમનો પહેલો વર્લ્ડ કપ રમવા જશે.
ન્યૂઝીલેન્ડની ટીમ વર્લ્ડ કપ માટે રવાના થતા પહેલા ઘરઆંગણે ત્રિકોણીય શ્રેણી રમશે. આમાં તે આઠ દિવસમાં પાકિસ્તાન અને બાંગ્લાદેશ સામે સાત T20 મેચ રમશે. આ ટુર્નામેન્ટ 7 ઓક્ટોબરથી 14 ઓક્ટોબર સુધી રમાશે. આ પછી કિવી ટીમ બીજા દિવસે 15મીએ ઓસ્ટ્રેલિયા જવા રવાના થશે.
Can this New Zealand side go one better in Australia?
The men to join Kane Williamson at the #T20WorldCup 👇https://t.co/VjTG9N7CvH
— ICC (@ICC) September 19, 2022
ન્યુઝીલેન્ડની ટીમ:
કેન વિલિયમસન (સી), ટિમ સાઉથી, ઈશ સોઢી, મિશેલ સેન્ટનર, ગ્લેન ફિલિપ્સ, જીમી નીશમ, ડેરીલ મિશેલ, એડમ મિલ્ને, માર્ટિન ગુપ્ટિલ, લોકી ફર્ગ્યુસન, ડેવોન કોનવે, માર્ક ચેપમેન, માઈકલ બ્રેસવેલ, ટ્રેન્ટ બોલ્ટ, ફિન એલન
Our squad for this year's @T20WorldCup in Australia. Details | https://t.co/JuZOBPwRyn #T20WorldCup pic.twitter.com/1s4QBL5bGH
— BLACKCAPS (@BLACKCAPS) September 19, 2022