આંતરરાષ્ટ્રીય ક્રિકેટ પરિષદ (ICC)એ મહિલા ક્રિકેટને વધુ મજબૂત બનાવવા માટે અનેક મહત્વપૂર્ણ નિર્ણયો લીધા છે. તેમાં સૌથી મોટો નિર્ણય મહિલા ચેમ્પિયન્સ ટ્રોફી 2027ના આયોજનને લઈને આવ્યો છે. અગાઉ આ ટૂર્નામેન્ટ જૂન-જુલાઈ 2027 દરમિયાન શ્રીલંકામાં યોજાવાની હતી, પરંતુ હવે ICCએ તેનું વિન્ડો બદલીને 14થી 28 ફેબ્રુઆરી 2027 કરી દીધું છે.
મહિલા ચેમ્પિયન્સ ટ્રોફીની આ પ્રથમ આવૃત્તિ હશે, જેમાં વિશ્વની ટોચની છ મહિલા ટીમો ભાગ લેશે. ટૂર્નામેન્ટ T20 ફોર્મેટમાં રમાશે અને તેનો ઉદ્દેશ મહિલા ક્રિકેટને વધુ વૈશ્વિક લોકપ્રિયતા અપાવવાનો છે. શ્રીલંકા આ પ્રતિષ્ઠિત ટૂર્નામેન્ટનું યજમાનપદ સંભાળશે.
ICC બોર્ડની અમદાવાદમાં યોજાયેલી બેઠકમાં માત્ર ચેમ્પિયન્સ ટ્રોફીના શેડ્યૂલમાં ફેરફાર જ નહીં, પરંતુ મહિલા ક્રિકેટના વિકાસ માટે નવી Women’s Emerging Nations Trophy 2026ને પણ મંજૂરી આપવામાં આવી. આ ટૂર્નામેન્ટમાં 10 ટીમો ભાગ લેશે, જેમાં પાંચ ફુલ મેમ્બર અને પાંચ એસોસિયેટ દેશોની ટીમો સામેલ રહેશે.
તે ઉપરાંત ICCએ મહિલા T20 વર્લ્ડ કપ 2028 માટે ક્વોલિફિકેશન પ્રક્રિયા પણ નક્કી કરી છે. 2028ની ટૂર્નામેન્ટમાં કુલ 12 ટીમો ભાગ લેશે, જેમાંથી મોટાભાગની ટીમો 2026ના મહિલા T20 વર્લ્ડ કપના પરિણામો અને ICC રેન્કિંગના આધારે સીધી ક્વોલિફાય થશે. બાકીની જગ્યાઓ માટે વૈશ્વિક ક્વોલિફાયર યોજાશે.
ICCના આ નિર્ણયો મહિલા ક્રિકેટના આંતરરાષ્ટ્રીય કેલેન્ડરને વધુ વ્યવસ્થિત બનાવવાની સાથે ઉભરતી ટીમોને પણ વૈશ્વિક સ્તરે પોતાની પ્રતિભા બતાવવાની નવી તક આપશે.
The ICC has moved the window of the inaugural Women’s Champions Trophy, to be played in Sri Lanka in 2027, from June-July to a fortnight in February 2027 https://t.co/ehLntebL4N
— ESPNcricinfo (@ESPNcricinfo) June 1, 2026