ભારતીય ટેસ્ટ ટીમમાં નંબર-3 બેટ્સમેનનું સ્થાન હંમેશા ખૂબ જ મહત્વપૂર્ણ માનવામાં આવ્યું છે. Rahul Dravid અને Cheteshwar Pujara જેવા દિગ્ગજોએ વર્ષો સુધી આ જવાબદારી સફળતાપૂર્વક નિભાવી હતી. હાલમાં ટીમ ઈન્ડિયા આ સ્થાન માટે સ્થાયી વિકલ્પ શોધી રહી છે. આ દરમિયાન ભારતના પૂર્વ સ્પિન ઓલરાઉન્ડર Ravichandran Ashwinએ યુવા બેટ્સમેન Devdutt Padikkalને ભવિષ્યનો નંબર-3 બેટ્સમેન ગણાવ્યો છે.
IPL 2026માં Royal Challengers Bengaluru અને Kolkata Knight Riders વચ્ચે રમાયેલી મેચ બાદ અશ્વિને પડિક્કલની ખુલ્લેઆમ પ્રશંસા કરી હતી. તેણે કહ્યું કે પડિક્કલ પાસે લાંબા સમય સુધી ભારતીય ટેસ્ટ ટીમમાં રમવાની ક્ષમતા છે અને તેને નંબર-3 પર સતત તક આપવી જોઈએ. અશ્વિનના મતે પડિક્કલ ટેકનિકલી મજબૂત બેટ્સમેન છે અને મુશ્કેલ પરિસ્થિતિમાં ઇનિંગ સંભાળવાની કાબિલિયત ધરાવે છે.
કોલકાતા સામેની મેચમાં પડિક્કલે 27 બોલમાં 39 રનની ઝડપી ઇનિંગ રમી હતી, જેમાં તેણે 7 ચોગ્ગા ફટકાર્યા હતા. અશ્વિને ખાસ કરીને સ્પિન સામે તેના બદલાયેલા અભિગમની પ્રશંસા કરી હતી. તેના કહેવા મુજબ પહેલાં પડિક્કલ વધુ બેકફૂટ પર રમતો હતો, પરંતુ હવે તે સ્વીપ અને રિવર્સ સ્વીપ જેવા શોટ્સ આત્મવિશ્વાસ સાથે રમે છે અને પગનો પણ સારો ઉપયોગ કરે છે.
અશ્વિને પડિક્કલની બેટિંગ સ્ટાઇલની તુલના પૂર્વ ભારતીય વિકેટકીપર-બેટ્સમેન Dinesh Karthik સાથે પણ કરી હતી. તેણે કહ્યું કે પડિક્કલની ટાઇમિંગ અને શોટ સિલેક્શન તેને ખાસ બનાવે છે. સાથે જ અશ્વિને સ્વીકાર્યું કે ટેસ્ટ ટીમમાં સ્થાન માટે Sai Sudharsan સાથે તેની સ્પર્ધા ચાલી રહી છે, પરંતુ આ સિઝનમાં પડિક્કલે પોતાની અસલી પ્રતિભા સાબિત કરી છે.