ઝિમ્બાબ્વેએ હરારે સ્પોર્ટ્સ ક્લબ ખાતે રમાયેલી એકમાત્ર ટેસ્ટ મેચમાં બાંગ્લાદેશને ઇનિંગ્સ અને 85 રનથી હરાવી પોતાના ટેસ્ટ ક્રિકેટના ઇતિહાસની સૌથી મોટી જીત નોંધાવી છે. આ ઐતિહાસિક જીત સાથે ઝિમ્બાબ્વેએ વર્ષો બાદ ટેસ્ટ ક્રિકેટમાં પોતાની મજબૂત હાજરીનો અહેસાસ કરાવ્યો છે. મેચ માત્ર ત્રણ દિવસમાં પૂર્ણ થઈ ગઈ હતી અને ઝિમ્બાબ્વેએ રમતના દરેક વિભાગમાં સંપૂર્ણ પ્રભુત્વ જમાવ્યું હતું.
મેચમાં ટોસ જીતીને ઝિમ્બાબ્વેએ પ્રથમ બોલિંગ કરવાનો નિર્ણય લીધો હતો. તેમના ઝડપી બોલરોએ બાંગ્લાદેશની પ્રથમ ઇનિંગ્સને માત્ર 140 રનમાં સમેટી દીધી હતી. મોમિનુલ હકે 60 રનની લડાયક ઇનિંગ્સ રમી હતી, પરંતુ અન્ય કોઈ બેટ્સમેન લાંબો સમય ટકી શક્યો નહોતો. ન્યૂમેન ન્યામહુરીએ ચાર વિકેટ ઝડપી હતી, જ્યારે બ્લેસિંગ મુઝરાબાની, રિચર્ડ ન્ગારાવા અને બ્રેડ એવન્સે પણ મહત્વપૂર્ણ યોગદાન આપ્યું હતું.
જવાબમાં ઝિમ્બાબ્વેએ 410 રનનો વિશાળ સ્કોર ઉભો કર્યો હતો. ઇનોસન્ટ કૈયાએ શાનદાર 140 રનની સદી ફટકારી હતી, જ્યારે ક્રેગ એર્વિન અને વેસ્લી માધેવેરેએ અડધી સદી નોંધાવી ટીમને 270 રનની લીડ અપાવી હતી. બાંગ્લાદેશ તરફથી તૈજુળ ઇસ્લામે સાત વિકેટ ઝડપી હોવા છતાં ટીમને બચાવી શક્યા નહોતા.
ઇનિંગ્સમાં બાંગ્લાદેશ પાસેથી મજબૂત લડતની અપેક્ષા હતી, પરંતુ ટીમ 185 રનમાં જ સમેટાઈ ગઈ. મુશ્ફિકુર રહીમે સૌથી વધુ 34 રન બનાવ્યા હતા. બ્લેસિંગ મુઝરાબાનીએ ચાર અને કેપ્ટન રિચર્ડ ન્ગારાવાએ ત્રણ વિકેટ ઝડપી ઝિમ્બાબ્વેને ઐતિહાસિક જીત અપાવી હતી. આ જીત ઝિમ્બાબ્વેના ટેસ્ટ ઇતિહાસની સૌથી મોટી જીત બની છે અને ટીમે સતત બીજી ટેસ્ટ જીત પણ નોંધાવી છે, જે છેલ્લા 25 વર્ષમાં પ્રથમ વખત બન્યું છે. હવે બંને ટીમો વચ્ચે ત્રણ વનડે અને ત્રણ ટી20 મેચોની શ્રેણી રમાશે.
That’s it!
Zimbabwe beat Bangladesh by an innings and 85 runs in the one-off Test, recording their biggest victory by margin of innings.#ZIMvBAN #ExperienceZimbabwe pic.twitter.com/C5kuvfXJSA
— Zimbabwe Cricket (@ZimCricketv) June 30, 2026