ઇંગ્લૈંડ સામે પ્રથમ ટેસ્ટ શરૂ થતાં પહેલા વિરાટ કોહલીએ નાના બાળકોના દિલ જીત્યો

આ વાયરલ ફોટોમાં ચાર નાના બાળકોનું ગ્રુપ જોઇ શકાય છે..

ટ્રેન્ટ બ્રિજ ખાતે રમાઈ રહેલી ભારત સામેની પ્રથમ ટેસ્ટ મેચમાં ઈંગ્લેન્ડે ટોસ જીતીને પ્રથમ બેટિંગ કરવાનો નિર્ણય કર્યો હતો. કેએલ રાહુલને આ મેચમાં ઓપનર તરીકે સામેલ કરવામાં આવ્યો છે. જોકે, ટોસ હાર્યા બાદ વિરાટ ફરી એક વખત ટ્રોલ થઈ રહ્યો છે.

વિરાટ કોહલી ભલે પ્રથમ ટેસ્ટમાં ટોસ હારી ગયો હોય, પરંતુ તેણે મેચ પહેલા કંઈક એવું કર્યું જેણે ફરી એક વાર લાખો લોકોનું દિલ જીતી લીધું. ખરેખર, મેચ પહેલા થોડા સમય પહેલા વિરાટે સ્ટેડિયમમાં હાજર કેટલાક બાળકોને તેના પગરખાં ભેટમાં આપ્યા હતા, જેનો ફોટો સોશિયલ મીડિયા પર ખૂબ વાયરલ થઈ રહ્યો છે.

આ વાયરલ ફોટોમાં ચાર નાના બાળકોનું ગ્રુપ જોઇ શકાય છે અને વિરાટના જૂતા પણ તે બાળકોના હાથમાં જોઇ શકાય છે. વિરાટની આ ભેટ મળ્યા બાદ બાળકો ખૂબ ખુશ દેખાતા હતા.