ન્યૂઝીલેન્ડ સામેની નિર્ણાયક ત્રીજી ટેસ્ટ મેચ પહેલાં ઇંગ્લેન્ડ ક્રિકેટ ટીમને મોટી રાહત મળી છે. ઇંગ્લેન્ડ એન્ડ વેલ્સ ક્રિકેટ બોર્ડ (ECB)એ ત્રીજી ટેસ્ટ માટે ટીમની જાહેરાત કરી છે, જેમાં ટેસ્ટ કેપ્ટન Ben Stokes અને ઝડપી બોલર Gus Atkinsonની વાપસી થઈ છે. ECB દ્વારા શિસ્તભંગ સંબંધિત તપાસ પૂર્ણ થયા બાદ બંને ખેલાડીઓને ફરીથી ટીમમાં સામેલ કરવામાં આવ્યા છે.
સ્ટોક્સ અને એટકિન્સનને અગાઉ લંડનની એક નાઇટક્લબમાં ટીમના કર્ફ્યૂ નિયમોના ઉલ્લંઘનને કારણે બીજી ટેસ્ટમાંથી બહાર રાખવામાં આવ્યા હતા. તેની ગેરહાજરીમાં ઇંગ્લેન્ડને બીજી ટેસ્ટમાં 253 રનની કારમી હારનો સામનો કરવો પડ્યો હતો. આ જીત સાથે ન્યૂઝીલેન્ડે શ્રેણી 1-1થી બરાબર કરી દીધી હતી.
ECBની તપાસમાં બંને ખેલાડીઓએ આચારસંહિતાનું ઉલ્લંઘન કર્યું હોવાનું સામે આવ્યું, જેના કારણે તેને લેખિત ચેતવણી આપવામાં આવી છે. જોકે, નાઇટક્લબમાં થયેલી હિંસક ઘટનામાં તેની સીધી સંડોવણી ન હોવાનું પણ સ્પષ્ટ થયું છે. બોર્ડે જણાવ્યું કે સ્ટોક્સ ઘટના સમયે હાજર નહોતા, જ્યારે એટકિન્સન પર ઉશ્કેરણી વગર હુમલો કરવામાં આવ્યો હતો અને તેણે કોઈ પ્રતિક્રિયા આપી નહોતી.
સ્ટોક્સની વાપસી ઇંગ્લેન્ડ માટે ખૂબ મહત્વપૂર્ણ માનવામાં આવી રહી છે. બીજી ટેસ્ટ દરમિયાન તેની ગેરહાજરીમાં Joe Rootએ કેપ્ટનશિપ સંભાળી હતી, પરંતુ ટીમને હારનો સામનો કરવો પડ્યો હતો. હવે સ્ટોક્સ ફરી સુકાન સંભાળશે અને ટીમને શ્રેણી જીતાડવાનો પ્રયાસ કરશે.
ઇંગ્લેન્ડ અને ન્યૂઝીલેન્ડ વચ્ચેની ત્રીજી અને નિર્ણાયક ટેસ્ટ 25 જૂનથી નોટિંગહમના ટ્રેન્ટ બ્રિજ મેદાનમાં રમાશે. બંને ટીમો શ્રેણી જીતવા માટે સંપૂર્ણ તાકાત સાથે મેદાનમાં ઉતરશે, જેના કારણે આ મુકાબલો ખૂબ જ રોમાંચક બનવાની શક્યતા છે.
Ben Stokes is back at the helm as England aim to seal the #WTC27 series against New Zealand 👊
More on their squad 👉 https://t.co/SfYsRvzQ6j pic.twitter.com/XwZUBK8iBJ
— ICC (@ICC) June 22, 2026