ઈંગ્લેન્ડનો રેહાન અહેમદ હવે ડેબ્યૂ પર 5 વિકેટ લેનારો વિશ્વનો સૌથી યુવા બોલર બની ગયો છે. તેણે આ કારનામું 18 વર્ષ અને 126 દિવસમાં કર્યું હતું. જણાવી દઈએ કે પાકિસ્તાન વિરૂદ્ધ બીજી ઈનિંગમાં રેહાને 5 વિકેટ ઝડપી હતી.
રેહાન અહેમદ આ પહેલા ઈંગ્લેન્ડ તરફથી ટેસ્ટ ડેબ્યૂ કરનાર સૌથી યુવા ખેલાડી બન્યો હતો. પરંતુ હવે તે ડેબ્યૂ પર 5 વિકેટ લેનારો સૌથી યુવા બોલર છે. આ સાથે તે ટેસ્ટ ડેબ્યૂમાં 5 વિકેટ લેનાર 53મો અંગ્રેજ બોલર છે.
રેહાન અહેમદે ઓસ્ટ્રેલિયાના પેટ કમિન્સનો રેકોર્ડ તોડીને ટેસ્ટ ડેબ્યૂમાં 5 વિકેટ ઝડપનાર સૌથી યુવા બોલર બની ગયો છે. 2011માં, કમિન્સે દક્ષિણ આફ્રિકા સામે જોહાનિસબર્ગ ટેસ્ટમાં 18 વર્ષ અને 191 દિવસમાં અજાયબીઓ કરી હતી. એટલે કે બંને વચ્ચે દિવસોનો તફાવત 67 દિવસનો હતો.
ત્યારબાદ પેટ કમિન્સે પાકિસ્તાનના શાહિદ અફકિદીનો રેકોર્ડ તોડ્યો, જેણે 1998માં કરાચીમાં રમાયેલી ટેસ્ટ મેચમાં ઓસ્ટ્રેલિયા સામે ડેબ્યૂમાં 5 વિકેટ ઝડપી હતી.
રેહાન અહેમદે પાકિસ્તાન વિરૂદ્ધ કરાચી ટેસ્ટમાં કુલ 7 વિકેટ ઝડપી છે. તેણે તેની પ્રથમ ટેસ્ટની પ્રથમ ઇનિંગ્સમાં 2 વિકેટ મેળવી હતી. જ્યારે બીજા દાવમાં 5 વિકેટ ઝડપી હતી.