ભારત અને શ્રીલંકા વચ્ચે ચાલી રહેલી ટેસ્ટ મેચમાં ધ્રુવ જુરેલના આઉટને લઈને વિવાદ સર્જાયો છે. થર્ડ અમ્પાયરના નિર્ણય બાદ ભારતીય ક્રિકેટ ચાહકો અને સોશિયલ મીડિયા પર અમ્પાયરિંગને લઈને સવાલો ઉઠી રહ્યા છે. જુરેલને DRSની મદદથી કેચ આઉટ આપવામાં આવ્યો હતો, પરંતુ રિપ્લેમાં બેટ અને બોલ વચ્ચે સ્પષ્ટ અંતર જોવા મળતું હોવાનો દાવો કરવામાં આવી રહ્યો છે.
મળતી માહિતી પ્રમાણે, શ્રીલંકાના બોલરે જુરેલ સામે કેચ માટે અપીલ કરી હતી. મેદાન પરના અમ્પાયરે નિર્ણય માટે DRSનો સહારો લીધો. ત્યારબાદ થર્ડ અમ્પાયરે વિવિધ રિપ્લે અને સ્નિકોમીટરનો અભ્યાસ કર્યો. સ્નિકોમીટરમાં થોડી હલચલ જોવા મળી હતી, જેને બેટની ધાર સાથેનો સંપર્ક માનવામાં આવ્યો અને જુરેલને આઉટ જાહેર કરવામાં આવ્યો. જોકે, રિપ્લેમાં બેટ અને બોલ વચ્ચે અંતર દેખાતું હોવાના કારણે નિર્ણય પર ચર્ચા શરૂ થઈ ગઈ.
આ નિર્ણયથી ભારતીય ચાહકો ખાસ્સા નારાજ જોવા મળ્યા. સોશિયલ મીડિયા પર ઘણા ચાહકોએ સવાલ કર્યો કે જો બેટ અને બોલ વચ્ચે સંપર્ક સ્પષ્ટ રીતે દેખાતો ન હોય, તો માત્ર સ્નિકોમીટરની હલચલના આધારે બેટ્સમેનને આઉટ કેવી રીતે આપી શકાય? કેટલાક ચાહકોએ આ નિર્ણયને ટીમ ઈન્ડિયા સાથે થયેલી નાઈન્સાફી ગણાવી છે.
ધ્રુવ જુરેલે આ ટેસ્ટમાં અગાઉ શાનદાર બેટિંગ કરીને અડધી સદી ફટકારી હતી. ગાલે ટેસ્ટમાં તેની અડધી સદી ભારત માટે મહત્વપૂર્ણ રહી હતી અને તે વિદેશી ધરતી પર તેમની પ્રથમ ટેસ્ટ અડધી સદી હતી.
આ ઘટના બાદ ફરી એકવાર DRS અને ટેક્નોલોજીના ઉપયોગ અંગે ચર્ચા તેજ બની છે. DRSનો હેતુ અમ્પાયરિંગની ભૂલો ઘટાડવાનો છે, પરંતુ ટેક્નોલોજી પર આધારિત નિર્ણયો પણ ક્યારેક વિવાદનું કારણ બને છે. જુરેલના આઉટે આ જ મુદ્દાને ફરી ચર્ચાના કેન્દ્રમાં લાવી દીધો છે.
DHRUV JUREL GIVEN OUT IN A CONTROVERSIAL
DECISION! 🤔What do you think — OUT or NOT OUT? 👀🏏”#Indvssl
Image Credit: Sonyliv pic.twitter.com/qcFXtHvcPB
— CricInformer (@CricInformer) August 18, 2026