ઈંગ્લેન્ડ અને ઓસ્ટ્રેલિયા વચ્ચે એશિઝ શ્રેણીની ત્રણ મેચ રમાઈ છે. ચોથી મેચ ટૂંક સમયમાં શરૂ થશે. ભારત અને વેસ્ટ ઈન્ડિઝ વચ્ચે 12 જુલાઈથી બે ટેસ્ટ મેચની શ્રેણી શરૂ થશે.
દરમિયાન ટેસ્ટ માટે પાકિસ્તાની ટીમનો શ્રીલંકા પ્રવાસ પણ શરૂ થવાનો છે. ટેસ્ટ ક્રિકેટના મેદાન પર જબરદસ્ત એક્શન શરૂ થાય તે પહેલા જ ICC દ્વારા નવી રેન્કિંગ જાહેર કરવામાં આવી છે. ભારતીય ખેલાડીઓ ભલે નિરાશ થયા હોય પરંતુ પાકિસ્તાની ટીમના કેપ્ટન બાબર આઝમે શાનદાર વાપસી કરી છે. દરમિયાન એશિઝ સિરીઝની ત્રીજી મેચ બાદ તેની અસર રેન્કિંગમાં પણ જોવા મળી રહી છે. એટલે કે તેમાં ભારે પરિવર્તન અને ઉથલપાથલ થઈ છે.
ICC દ્વારા નવી ટેસ્ટ રેન્કિંગ જાહેર કરવામાં આવી છે. આમાં ફરી એકવાર કેન વિલિયમસન નંબર વનની ખુરશી પર કબ્જો જમાવી રહ્યો છે. તે છેલ્લા લગભગ ચાર મહિનાથી ટેસ્ટ રમ્યો નથી, પરંતુ આ પછી પણ તેણે ગયા અઠવાડિયે નંબર વનની ખુરશી પર કબજો જમાવ્યો હતો, જે હજુ પણ અકબંધ છે. આ દરમિયાન સ્ટીવ સ્મિથને મોટું નુકસાન થયું છે. તે બીજા નંબરથી સીધા ચોથા નંબર પર પહોંચી ગયો છે. તેનું રેટિંગ માત્ર 855 રહ્યું છે. આ જ માર્નસ લાબુશેનને પણ નુકસાન થયું છે.
આઇસીસી ટેસ્ટ બેટ્સમેન રેન્કિંગ
1. કેન વિલિયમસન: 883
2. ટ્રેવિસ હેડ: 874
3. બાબર આઝમ : 862
4. સ્ટીવ સ્મિથ: 855
5. માર્નસ લેબુશેન: 849
6. જૉ રૂટ: 842
7. ઉસ્માન ખ્વાજા: 824
8. ડેરીલ મિશેલ: 792
9. દિમુથ કરુણારત્ને: 780
10. ઋષભ પંત: 758