ભારતીય ક્રિકેટ ટીમે શ્રીલંકા સામે ગોલમાં રમાયેલી પ્રથમ ટેસ્ટ મેચમાં 165 રનની શાનદાર જીત મેળવીને બે મેચની શ્રેણીમાં 1-0ની લીડ મેળવી છે. શુભમન ગિલની આગેવાની હેઠળની ટીમ ઈન્ડિયાની આ જીતથી વર્લ્ડ ટેસ્ટ ચેમ્પિયનશિપ (WTC) 2025-27ની પોઈન્ટ્સ ટેબલમાં પણ ભારતને મોટો ફાયદો થયો છે.
ગોલ ટેસ્ટ પહેલાં ભારતનું પોઈન્ટ્સ પર્સેન્ટેજ (PCT) 48.15 ટકા હતું, જે જીત બાદ વધીને 53.33 ટકા થઈ ગયું છે. ભારતે અત્યાર સુધી WTC ચક્રમાં 10 ટેસ્ટ મેચ રમી છે, જેમાં 5 જીત, 4 હાર અને એક ડ્રો સાથે તેના ખાતામાં 64 પોઈન્ટ્સ છે. જોકે, PCTના આધારે ભારત હજુ પણ પોઈન્ટ્સ ટેબલમાં પાંચમા સ્થાને છે.
બીજી તરફ, શ્રીલંકાને ભારત સામેની હારનો મોટો ફટકો પડ્યો છે. શ્રીલંકાનું PCT 41.67 ટકાથી ઘટીને 33.33 ટકા થઈ ગયું છે અને તે છઠ્ઠા સ્થાને છે. શ્રીલંકાએ વર્તમાન WTC ચક્રમાં પાંચ ટેસ્ટમાંથી માત્ર એક જીત મેળવી છે.
WTC ફાઈનલમાં સ્થાન મેળવવા માટે ટીમોને પોઈન્ટ્સ પર્સેન્ટેજના આધારે ટોપ-2માં રહેવું જરૂરી છે. હાલ ઓસ્ટ્રેલિયા 77.78 ટકા PCT સાથે પ્રથમ સ્થાને છે, જ્યારે દક્ષિણ આફ્રિકા 75 ટકા સાથે બીજા સ્થાને છે. ન્યૂઝીલેન્ડ 72.22 ટકા સાથે ત્રીજા અને બાંગ્લાદેશ 66.67 ટકા સાથે ચોથા સ્થાને છે.
હાલની સ્થિતિ જોતા ઓસ્ટ્રેલિયા અને દક્ષિણ આફ્રિકા WTC ફાઈનલની રેસમાં સૌથી મજબૂત દાવેદાર દેખાઈ રહ્યા છે. જોકે, ભારત માટે હજુ પૂરતી તકો છે. આગામી ટેસ્ટ મેચોમાં સતત જીત મેળવીને ટીમ ઈન્ડિયા પોતાનું PCT વધારી શકે છે અને ટોપ-2માં સ્થાન મેળવવા માટે પડકાર ઊભો કરી શકે છે. ગોલમાં મળેલી જીતે ભારતની ફાઈનલની આશાઓને ચોક્કસપણે ફરી મજબૂત બનાવી છે.
Here are each team’s qualification scenarios for the final, after India’s dominant win over Sri Lanka! 🤍🏆
The number of wins required assumes they don’t lose any points due to slow over rates. They could also qualify with fewer wins if other matches end in draws. 👇#SLvIND… pic.twitter.com/FVEBVJQOLe
— Sportskeeda (@Sportskeeda) August 19, 2026