ઓસ્ટ્રેલિયાના અનુભવી ડાબોડી ફાસ્ટ બોલર મિચેલ સ્ટાર્ક ટેસ્ટ ક્રિકેટમાં વધુ એક ઐતિહાસિક સિદ્ધિથી માત્ર થોડા જ વિકેટ દૂર છે. બાંગ્લાદેશ સામેની આગામી બે ટેસ્ટ મેચોની શ્રેણીમાં સ્ટાર્ક પાસે ભારતના દિગ્ગજ કપિલ દેવ અને દક્ષિણ આફ્રિકાના મહાન ઝડપી બોલર ડેલ સ્ટેનના ટેસ્ટ વિકેટના રેકોર્ડને પાછળ છોડવાની તક છે. જોકે, આ ઐતિહાસિક સિદ્ધિ અંગે સ્ટાર્કે ખૂબ જ નમ્ર પ્રતિભાવ આપ્યો છે.
સ્ટાર્કે જણાવ્યું કે હાલમાં તેનું સંપૂર્ણ ધ્યાન માત્ર ટીમ માટે સારું પ્રદર્શન કરવા પર છે. વ્યક્તિગત રેકોર્ડ્સ વિશે તેઓ વધારે વિચારતા નથી. તેણે કહ્યું કે જ્યારે તેની કારકિર્દી પૂર્ણ થશે ત્યારે જ આવા રેકોર્ડ્સનું સાચું મહત્વ સમજાશે. સ્ટાર્કના મતે ક્રિકેટના મહાન ખેલાડીઓની સાથે પોતાનું નામ જોડાવું જ તેના માટે ગૌરવની વાત છે.
હાલમાં સ્ટાર્કના નામે ટેસ્ટ ક્રિકેટમાં 433 વિકેટ નોંધાયેલી છે. કપિલ દેવે પોતાની ટેસ્ટ કારકિર્દીમાં 434 વિકેટ લીધી હતી, એટલે સ્ટાર્ક માત્ર એક વિકેટ દૂર છે તેની બરાબરી કરવા માટે. જ્યારે ડેલ સ્ટેનની 439 વિકેટનો આંકડો પાર કરવા માટે સ્ટાર્કને કુલ સાત વિકેટની જરૂર છે. જો તેઓ બાંગ્લાદેશ સામેની શ્રેણીમાં આ સિદ્ધિ મેળવે છે તો ટેસ્ટ ક્રિકેટના સર્વશ્રેષ્ઠ બોલરોની યાદીમાં વધુ ઉપર પહોંચી જશે.
36 વર્ષીય સ્ટાર્કે પોતાની લાંબી કારકિર્દીનું રહસ્ય સતત મહેનત, ફિટનેસ અને પોતાની બોલિંગમાં સમયાંતરે સુધારા કરવાનું ગણાવ્યું. તેણે કહ્યું કે દરેક સિઝનમાં કંઈક નવું શીખવાનો પ્રયાસ કરે છે અને પોતાની રમતને વધુ અસરકારક બનાવે છે. સ્ટાર્ક હાલમાં પણ ઓસ્ટ્રેલિયન ટીમના સૌથી મહત્વપૂર્ણ બોલરોમાં સામેલ છે અને વર્લ્ડ ટેસ્ટ ચેમ્પિયનશિપમાં સતત શાનદાર પ્રદર્શન કરી રહ્યા છે.
હવે ક્રિકેટ ચાહકોની નજર બાંગ્લાદેશ સામેની ટેસ્ટ શ્રેણી પર રહેશે, જ્યાં સ્ટાર્ક પાસે માત્ર ટીમને જીત અપાવવાની જ નહીં પરંતુ કપિલ દેવ અને ડેલ સ્ટેન જેવા દિગ્ગજોના ઐતિહાસિક રેકોર્ડને પાછળ છોડવાની પણ સુવર્ણ તક રહેશે.
Dale Steyn : 439 💪
Kapil Dev : 434 🔥
Mitchell Starc: 433 👀The Aussie pacer has the opportunity to go past two greats of the game in Test wickets tally very soon 😬 pic.twitter.com/MRLUdNaQUf
— Cricbuzz (@cricbuzz) August 6, 2026