ઈંગ્લેન્ડના નવા ટેસ્ટ કેપ્ટન જો રૂટે ટીમના ખેલાડીઓ માટે લાગુ કરવામાં આવેલો રાત્રિ કર્ફ્યુ હટાવવાનો નિર્ણય લીધો છે. પાકિસ્તાન સામેની ત્રણ ટેસ્ટ મેચની શ્રેણી પહેલાં રૂટના આ નિર્ણયની ચર્ચા થઈ રહી છે. ઈંગ્લેન્ડના પૂર્વ કેપ્ટન અને દિગ્ગજ ક્રિકેટર નાસિર હુસૈને રૂટના નિર્ણયનું સમર્થન કર્યું છે. તેનું માનવું છે કે આંતરરાષ્ટ્રીય સ્તરના પ્રોફેશનલ ક્રિકેટરો સાથે બાળકો જેવો વ્યવહાર કરવાની જરૂર નથી.
રૂટે સ્પષ્ટ કર્યું છે કે ખેલાડીઓએ મેદાનની બહાર પણ પોતાની જવાબદારી સમજવી જોઈએ. ટીમમાં શિસ્ત જાળવવા માટે દરેક ખેલાડી પાસેથી પરિપક્વ વર્તનની અપેક્ષા રાખવામાં આવશે. નાસિર હુસૈનનું કહેવું છે કે જો કોઈ ખેલાડી નિયમોનું ઉલ્લંઘન કરે છે તો તેના પર દંડ થઈ શકે છે અથવા તેને ટીમમાંથી બહાર પણ રાખી શકાય છે. પરંતુ દરેક ખેલાડી માટે રાત્રે બહાર જવા પર સંપૂર્ણ પ્રતિબંધ મૂકવો યોગ્ય નથી.
આ કર્ફ્યુનો મુદ્દો અગાઉ બેન સ્ટોક્સ અને ગુસ એટકિન્સન સાથે જોડાયેલા વિવાદ બાદ ચર્ચામાં આવ્યો હતો. બંને ખેલાડીઓએ મધરાતના કર્ફ્યુનું ઉલ્લંઘન કર્યું હતું, જેના કારણે તેને કાર્યવાહીનો સામનો કરવો પડ્યો હતો. આ ઘટનાની પૃષ્ઠભૂમિમાં ટીમની સંસ્કૃતિ અને શિસ્તને લઈને પણ સવાલો ઉઠ્યા હતા.
નાસિર હુસૈને જોકે રૂટની કેપ્ટનશિપ અંગે કેટલીક ચિંતા પણ વ્યક્ત કરી છે. તેના મતે રૂટ મહાન બેટર છે, પરંતુ ક્યારેક કેપ્ટન તરીકે મેચની સ્થિતિને યોગ્ય રીતે વાંચવામાં મુશ્કેલી અનુભવે છે. તેણે કહ્યું કે બેન સ્ટોક્સમાં રમતની પરિસ્થિતિ અને મેચના ટેમ્પોને સમજવાની ખાસ ક્ષમતા હતી.
હવે રૂટ સામે ઈંગ્લેન્ડને ફરી મજબૂત બનાવવાની મોટી જવાબદારી છે. ટીમ છેલ્લા 13 ટેસ્ટમાંથી 8માં હારી ચૂકી છે. આવી સ્થિતિમાં કર્ફ્યુ હટાવીને ખેલાડીઓ પર વિશ્વાસ મૂકવાનો રૂટનો નિર્ણય ટીમના વાતાવરણમાં કેટલો ફેરફાર લાવે છે, તે જોવું રસપ્રદ રહેશે.
Nasser Hussain said, “I’m looking forward to being at Headingley. Joe Root and Babar Azam are two legends of the game, and both are returning as captains. I want to see a game that swings one way, then the other”. [Sky Sports] pic.twitter.com/xWjcwiK37E
— Salman. (@TsMeSalman1_) August 18, 2026