ગાલેમાં ભારત અને શ્રીલંકા વચ્ચે રમાઈ રહેલી પ્રથમ ટેસ્ટ મેચના ચોથા દિવસે શ્રીલંકાની ટીમને મોટો ઝટકો લાગ્યો છે. અનુભવી બેટ્સમેન દિનેશ ચાંદીમલ ઈજાના કારણે મેચમાંથી બહાર થઈ ગયા છે. તેની જગ્યાએ 26 વર્ષીય બેટ્સમેન પસિંદુ સૂરિયાબંદરાને કન્કશન સબ્સ્ટિટ્યૂટ તરીકે ટીમમાં સામેલ કરવામાં આવ્યો છે. આ સાથે સૂરિયાબંદરાએ આંતરરાષ્ટ્રીય ટેસ્ટ ક્રિકેટમાં ડેબ્યૂ કર્યું છે.
ચોથા દિવસની શરૂઆતમાં ભારત બીજી ઈનિંગમાં બેટિંગ કરી રહ્યું હતું. ઈનિંગની ચોથી ઓવરમાં કેએલ રાહુલના શોટને બાઉન્ડરી સુધી જતો અટકાવવા માટે ચાંદીમલે ડીપ મિડવિકેટથી દોડીને ડાઈવ લગાવી હતી. આ દરમિયાન તેઓ જમીન પર જોરથી પટકાયા અને તેમના જમણા ખભા તથા ગરદનના ભાગમાં ઈજા થઈ હતી. તેઓ થોડા સમય સુધી મેદાન પર અસ્વસ્થ હાલતમાં જોવા મળ્યા હતા. ટીમના ફિઝિયો અને ડોક્ટરે મેદાન પર તેની તપાસ કરી હતી, ત્યારબાદ તેને સાવચેતીના ભાગરૂપે સ્કેન માટે હોસ્પિટલ લઈ જવામાં આવ્યા હતા.
શ્રીલંકા ક્રિકેટ દ્વારા જણાવવામાં આવ્યું કે સ્કેનમાં કોઈ આંતરિક ઈજા મળી નથી. જોકે, ચાંદીમલને કન્કશનના કારણે મેચમાં આગળ રમવા માટે અયોગ્ય જાહેર કરવામાં આવ્યા છે. પ્રથમ ઈનિંગમાં ચાંદીમલ માત્ર 4 રન બનાવીને આઉટ થયા હતા.
ચાંદીમલના સ્થાને આવેલા પસિંદુ સૂરિયાબંદરા માટે આ ક્ષણ ખાસ બની છે. 26 વર્ષીય આ બેટ્સમેને ફર્સ્ટ ક્લાસ ક્રિકેટમાં શાનદાર પ્રદર્શન કર્યું છે. તેણે 68 ફર્સ્ટ ક્લાસ મેચોમાં 54.36ની સરેરાશથી રન બનાવ્યા છે અને તેમના નામે 14 સદી પણ છે. હવે ટેસ્ટ ડેબ્યૂમાં તેના પર મોટી જવાબદારી રહેશે.
ભારતે શ્રીલંકા સામે જીત માટે 372 રનનો લક્ષ્યાંક આપ્યો છે. ગાલેની સ્પિનને મદદ કરતી પીચ પર શ્રીલંકા માટે આ પડકાર મુશ્કેલ છે. આવી સ્થિતિમાં સૂરિયાબંદરાની ડેબ્યૂ ઈનિંગ ટીમ માટે મહત્વપૂર્ણ સાબિત થઈ શકે છે.
🚨 NEWS ALERT 🚨
Pasindu Sooriyabandara comes in as the concussion replacement for Dinesh Chandimal.
Dinesh Chandimal sustained an injury while fielding during the first session of Day 4, after hitting his shoulder and head hard on the ground.#Cricket #Test #SLvIND pic.twitter.com/e1rFyn0ctL
— Sportskeeda (@Sportskeeda) August 18, 2026