લાઇવ ટેલિકાસ્ટ ડરહામ ટીમની ઓફિશિયલ યુટ્યુબ ચેનલ પર જોઇ શકાય છે…
ઇંગ્લેન્ડ સામે પાંચ ટેસ્ટ મેચની શ્રેણી પહેલા વિરાટ કોહલીની આગેવાની હેઠળની ભારતીય ટીમ મેચ પ્રેક્ટિસ માટે કાઉન્ટી ઇલેવનની ટીમ સામે ત્રણ દિવસીય વોર્મ-અપ મેચ રમશે.
ભારતીય ઇલેવન અને કાઉન્ટી સિલેકટ ઇલેવનની ટીમ રિવરસાઇડ ગ્રાઉન્ડ ખાતે 20થી 22 જુલાઇ સુધી રમાશે. ટીમ ઇન્ડિયાના ચાહકો માટે ખુશખબર એ છે કે આ મેચનો લાઇવ ટેલિકાસ્ટ ડરહામ ટીમની ઓફિશિયલ યુટ્યુબ ચેનલ પર જોઇ શકાય છે.
તમને જણાવી દઈએ કે, રિવરસાઇડ સ્ટેડિયમ ખાતે યોજાનારી ત્રણ દિવસીય વોર્મ-અપ મેચમાં માટે કેપ્ટન વિલ રોડ્સ કાઉન્ટી ઇલેવનની આગેવાની કરશે. તે જ સમયે, ભારતીય ટીમ ઇંગ્લેન્ડ આવેલી 20 સભ્યોની ટીમમાં સાથે ઉતરશે. આ પ્રેક્ટિસ મેચ દરમિયાન મયંક અગ્રવાલને ટેસ્ટ ટીમમાં વાપસી કરવાની તક મળશે.
ભારતીય ટીમ મેનેજમેન્ટે મયંકને ન્યૂઝીલેન્ડ સામેની વર્લ્ડ ટેસ્ટ ચેમ્પિયનશિપ ફાઈનલ મેચમાં પ્લેઇંગ ઇલેવનમાં તક આપી ન હતી. સાઉધમ્પ્ટનમાં રમાયેલી મેચમાં રોહિત શર્મા અને શુબમન ગિલે ભારતીય ઇનિંગની શરૂઆત કરી હતી.