બાંગ્લાદેશ ક્રિકેટ ટીમના ટેસ્ટ કેપ્ટન નજમુલ હુસૈન શાંતો છેલ્લા કેટલાક સમયથી પોતાના નેતૃત્વથી સતત પ્રભાવિત કરી રહ્યા છે. છેલ્લા ત્રણ વર્ષના ટેસ્ટ ક્રિકેટના આંકડાઓ પર નજર કરીએ તો શાંતો વિશ્વના સૌથી સફળ કેપ્ટનોમાં સ્થાન ધરાવે છે. બાંગ્લાદેશ માટે તેની કેપ્ટનશિપ ખાસ કરીને ટેસ્ટ ક્રિકેટમાં આશાનું મોટું કારણ બની છે.
શાંતો અત્યાર સુધી માત્ર 19 ટેસ્ટ મેચોમાં બાંગ્લાદેશનું નેતૃત્વ કરતાં 8 જીત મેળવી ચૂક્યા છે. આ સાથે તેઓ બાંગ્લાદેશના સૌથી સફળ ટેસ્ટ કેપ્ટન બની ગયા છે. તેણે મુશફિકુર રહીમનો રેકોર્ડ પાછળ છોડી દીધો છે. મુશફિકુરે 34 ટેસ્ટમાં કેપ્ટન તરીકે 7 જીત મેળવી હતી. શાંતોની 19 ટેસ્ટમાં 8 જીત તેને 42.1 ટકાની જીતની ટકાવારી આપે છે.
ભારતના પૂર્વ ટેસ્ટ કેપ્ટન રોહિત શર્મા સાથે પણ શાંતોની સરખામણી થઈ રહી છે. 2023 બાદ રોહિતે ભારતને 24 ટેસ્ટમાં 12 જીત અપાવી હતી, જ્યારે શાંતોના નામે 19 મેચમાં 8 જીત છે. જીતની ટકાવારીમાં બંને વચ્ચે મોટો તફાવત નથી.
શાંતો માટે આ સિદ્ધિ એવા સમયે આવી છે જ્યારે બાંગ્લાદેશ ઓસ્ટ્રેલિયાના પડકારજનક પ્રવાસે છે. 13 ઓગસ્ટથી ડાર્વિનમાં ટેસ્ટ શ્રેણીની શરૂઆત થવાની છે. જોકે પ્રવાસની શરૂઆત બાંગ્લાદેશ માટે નિરાશાજનક રહી હતી. ક્રિકેટ ઓસ્ટ્રેલિયા XI સામેની પ્રેક્ટિસ મેચમાં ટીમને ઇનિંગ્સ અને 38 રનથી હારનો સામનો કરવો પડ્યો હતો. શાંતો પણ પ્રથમ દાવમાં 37 અને બીજી ઇનિંગમાં શૂન્ય રને આઉટ થયા હતા.
આ ઉપરાંત, શાંતોની બેટિંગ પણ બાંગ્લાદેશ માટે મહત્વપૂર્ણ રહેશે. 2026માં તેઓ ટેસ્ટ રેન્કિંગમાં કારકિર્દીના શ્રેષ્ઠ 23મા સ્થાન સુધી પહોંચી ચૂક્યા છે.
હવે ઓસ્ટ્રેલિયા સામે શાંતોની કેપ્ટનશિપ અને બેટિંગ બંનેની કસોટી થશે. બાંગ્લાદેશને મુશ્કેલ પ્રવાસમાં સારા પરિણામ માટે પોતાના કેપ્ટન પાસેથી મોટી અપેક્ષા રહેશે.
Najmul Hossain Shanto — Bangladesh’s most successful Test captain! 🫡🏏
Among captains worldwide over the last three years, Shanto ranks among the *Top 5 for Test wins*. 🔥👏https://t.co/7Wm3X0Tlrs#NajmulHossainShanto #BangladeshCricket #TestCricket #Cricket #Bangladesh pic.twitter.com/sC1lJ2WUjt
— SPORTS WIZ (@mysportswiz) August 10, 2026