પાકિસ્તાન અને ઇંગ્લેન્ડ વચ્ચેની પ્રથમ ટેસ્ટમાં પાકિસ્તાનને કારમી હારનો સામનો કરવો પડ્યો છે. હેડિંગ્લે ખાતે રમાયેલી મેચમાં ઇંગ્લેન્ડે પાકિસ્તાનને એક ઇનિંગ્સ અને 103 રનથી હરાવી ત્રણ મેચની ટેસ્ટ સિરીઝમાં 1-0ની લીડ મેળવી છે. પાકિસ્તાનના નિયમિત ટેસ્ટ કેપ્ટન બાબર આઝમ હાથની ઈજાને કારણે આ મેચમાં રમી શક્યા નહોતા. તેની ગેરહાજરીમાં સલમાન અલી આગાએ ટીમની કેપ્ટનશિપ સંભાળી હતી.
પ્રથમ ટેસ્ટ બાદ જ્યારે સલમાન અલી આગાને પૂછવામાં આવ્યું કે જો બાબર આઝમ લોર્ડ્સ ખાતે રમાનારી બીજી ટેસ્ટ માટે ફિટ થઈ જાય તો શું તેઓ ફરી કેપ્ટનશિપ બાબરને સોંપશે? તેના જવાબમાં સલમાને હસતાં કહ્યું કે, “હું તો ખુશીથી કેપ્ટનશિપ તેને પાછી આપી દઈશ.” તેના આ જવાબથી પ્રેસ કોન્ફરન્સમાં હાસ્યનું વાતાવરણ સર્જાયું હતું.
સલમાને બાબર આઝમના મહત્વ અંગે પણ વાત કરી હતી. તેમણે કહ્યું કે બાબર ટીમના સૌથી મહત્વપૂર્ણ બેટ્સમેનોમાંથી એક છે અને વિશ્વના શ્રેષ્ઠ બેટ્સમેનોમાં તેનું સ્થાન છે. પાકિસ્તાનની ટીમને બીજી ટેસ્ટમાં તેની વાપસીની આશા છે. બાબર પહેલી ટેસ્ટમાંથી જમણા હાથની ઈજાને કારણે બહાર રહ્યા હતા. વોર્મ-અપ મેચ દરમિયાન તેમને ફરી એ જ હાથમાં ઈજા થઈ હતી.
બીજી તરફ, પ્રથમ ટેસ્ટમાં સલમાન અલી આગાનું વ્યક્તિગત પ્રદર્શન પણ ખાસ રહ્યું નહોતું. તેણે પ્રથમ ઇનિંગ્સમાં 21 અને બીજી ઇનિંગ્સમાં માત્ર 4 રન બનાવ્યા હતા. કેપ્ટન તરીકે આ તેનો પ્રથમ ટેસ્ટ હતો.
હવે પાકિસ્તાનની નજર 27 ઓગસ્ટથી લોર્ડ્સ ખાતે શરૂ થનારી બીજી ટેસ્ટ પર છે. જો બાબર આઝમ ફિટ જાહેર થશે, તો સલમાન પોતાની જવાબદારી પાછી સોંપવા તૈયાર છે.
Salman Ali Agha on Babar Azam’s captaincy return:
When asked about Babar’s form and handing over the captaincy, Salman replied with a smile:
“I’d be more than happy to hand over the captaincy. pic.twitter.com/N0vfceSbgL
— Clutch Sports (@Clutchsportsz) August 21, 2026