ભારતીય ક્રિકેટ ટીમને શ્રીલંકા સામેની ટેસ્ટ શ્રેણી શરૂ થાય તે પહેલાં મોટો ઝટકો લાગ્યો છે. ટીમ ઈન્ડિયાના ટેસ્ટ કેપ્ટન શુભમન ગિલ પ્રેક્ટિસ દરમિયાન જમણા હાથની રિંગ ફિંગરમાં ઈમ્પેક્ટ ઈજાગ્રસ્ત થતાં શ્રીલંકા ક્રિકેટ ઇલેવન (SLC XI) સામેની ત્રણ દિવસીય વોર્મ-અપ મેચના પ્રથમ દિવસે મેદાનમાં ઉતરી શક્યા નથી. ભારતીય ક્રિકેટ કંટ્રોલ બોર્ડ (BCCI)એ આ અંગે સત્તાવાર માહિતી આપી છે અને જણાવ્યું છે કે ગિલની ઈજા ગંભીર ન બને તે માટે તેને સાવચેતીના ભાગરૂપે આરામ આપવામાં આવ્યો છે.
BCCIના મેડિકલ વિભાગે જણાવ્યું છે કે શુભમન ગિલની સ્થિતિ પર સતત નજર રાખવામાં આવી રહી છે. હાલમાં તેની ઈજાનું મૂલ્યાંકન કરવામાં આવી રહ્યું છે અને આગામી દિવસોમાં તેની પ્રગતિને આધારે આગળનો નિર્ણય લેવામાં આવશે. ટીમ મેનેજમેન્ટ ટેસ્ટ શ્રેણી પહેલાં કોઈપણ પ્રકારનું જોખમ લેવા માંગતું નથી.
ગિલની ગેરહાજરીમાં અનુભવી બેટ્સમેન કેએલ રાહુલને વોર્મ-અપ મેચના પ્રથમ દિવસે ભારતીય ટીમની કમાન સોંપવામાં આવી છે. ટોસ દરમિયાન પણ રાહુલ જ ટીમના કેપ્ટન તરીકે હાજર રહ્યા હતા. શ્રીલંકા પ્રવાસ પહેલાં આ વોર્મ-અપ મેચ ખેલાડીઓને સ્થાનિક પરિસ્થિતિઓમાં પોતાને ઢાળવાની મહત્વપૂર્ણ તક આપી રહી છે.
ઉલ્લેખનીય છે કે શુભમન ગિલ છેલ્લા કેટલાક સમયથી ટેસ્ટ ક્રિકેટમાં શાનદાર ફોર્મમાં છે અને શ્રીલંકા સામેની બે ટેસ્ટની શ્રેણીમાં તેની પાસેથી મોટી ઇનિંગ્સની અપેક્ષા રાખવામાં આવી રહી છે. તેથી તેની ઈજાએ ભારતીય ટીમના ચાહકોની ચિંતા વધારી છે. જોકે BCCIએ સ્પષ્ટ કર્યું છે કે હાલમાં આ માત્ર સાવચેતીરૂપ નિર્ણય છે અને ગિલની ફિટનેસ અંગે નિયમિત અપડેટ આપવામાં આવશે. જો તેઓ ઝડપથી સંપૂર્ણ ફિટ થઈ જશે તો 15 ઓગસ્ટથી શરૂ થનારી પ્રથમ ટેસ્ટમાં તેમની હાજરીની શક્યતા યથાવત્ રહેશે.
🚨 The BCCI has confirmed that Shubman Gill sustained an impact injury on his right ring finger during practice yesterday. Gill will not take the field on Day 1 of the warmup fixture against SLC XI as a precautionary measure
KL Rahul will lead India today. SLC XI have opted to… pic.twitter.com/iZ9iMrFylN
— Cricbuzz (@cricbuzz) August 7, 2026