વેસ્ટ ઈન્ડિઝના ઝડપી બોલર જસ્ટિન ગ્રેવ્સે પાકિસ્તાન સામેની પ્રથમ ટેસ્ટ મેચમાં એવી શાનદાર બોલિંગ કરી કે ટેસ્ટ ક્રિકેટના ઇતિહાસમાં એક અનોખો રેકોર્ડ પોતાના નામે કરી લીધો. ગ્રેવ્સે સતત પાંચ મેડન ઓવર ફેંકી અને દરેક ઓવરમાં એક-એક વિકેટ ઝડપી કુલ પાંચ વિકેટ ઝૂંટવી. તેની આ ઘાતક સ્પેલના કારણે પાકિસ્તાનની મજબૂત બેટિંગ લાઇનઅપ સંપૂર્ણપણે ધરાશાયી થઈ ગઈ.
રસપ્રદ વાત એ છે કે ગ્રેવ્સના શરૂઆતના આંકડા 6 ઓવરમાં 27 રન આપીને કોઈ વિકેટ વિના હતા. પરંતુ ત્યારબાદ તેણે મેચનું ચિત્ર જ બદલી નાખ્યું. પોતાના સાતમા ઓવરની છેલ્લી બોલ પર પ્રથમ વિકેટ લીધી. ત્યારબાદ આઠમા ઓવરની બીજી બોલ, નવમા ઓવરની ત્રીજી બોલ, દસમા ઓવરની ચોથી બોલ અને અગિયારમા ઓવરની છેલ્લી બોલ પર સતત વિકેટ મેળવી. આ પાંચેય ઓવર સંપૂર્ણ મેડન રહ્યા, એટલે કે તેણે એકપણ રન આપ્યા વગર પાંચ વિકેટ પૂર્ણ કરી. તેમનો સ્પેલ 11 ઓવરમાં 6 મેડન, 27 રન અને 5 વિકેટનો રહ્યો.
પાકિસ્તાન માટે કેપ્ટન શાન મસૂદે 109 રનની શાનદાર સદી ફટકારી હતી, જ્યારે ઇમામ-ઉલ-હકે 63 રનની મહત્વપૂર્ણ ઇનિંગ્સ રમી હતી. જોકે ગ્રેવ્સની ઘાતક બોલિંગ સામે આ બંને સિવાય કોઈ પણ બેટ્સમેન મોટી ઇનિંગ્સ રમી શક્યો નહીં. ગ્રેવ્સે શાન મસૂદ, મોહમ્મદ રિઝવાન, આમિર જમાલ, અલી ઉસ્માન અને મોહમ્મદ અબ્બાસને આઉટ કરીને પોતાની પાંચ વિકેટ પૂર્ણ કરી.
બાબર આઝમે 23, સલમાન આગાએ 20 અને ખુર્રમ શહજાદે 19 રન બનાવ્યા હતા, જ્યારે અજાન અવૈસ, અલી ઉસ્માન અને મોહમ્મદ અબ્બાસ ખાતું પણ ખોલી શક્યા નહોતા. ગ્રેવ્સ ઉપરાંત કેમાર રોચ અને શમર જોસેફે પણ અસરકારક બોલિંગ કરી, જેના કારણે પાકિસ્તાનની આખી ટીમ 80.1 ઓવરમાં 282 રનમાં ઓલઆઉટ થઈ ગઈ.
જસ્ટિન ગ્રેવ્સની આ ઐતિહાસિક સ્પેલને ટેસ્ટ ક્રિકેટની સૌથી યાદગાર બોલિંગ સ્પેલમાં સ્થાન મળી રહ્યું છે. સતત પાંચ મેડન ઓવરમાં પાંચ વિકેટ લેવાનું કારનામું અત્યંત દુર્લભ માનવામાં આવે છે અને તેમના આ પ્રદર્શનથી વેસ્ટ ઈન્ડિઝે મેચમાં મજબૂત પકડ બનાવી લીધી છે.
PAKISTAN LOVES TURNING UNKNOWN PLAYERS INTO SUPERSTARS. 😅
– Justin Greaves took 5 wickets against Pakistan for 0 runs. 🤯
– Before this Test Match we Didn’t even know that Justin Greaves is a Bowler. 😆 https://t.co/oRL3KArAzW
— Hamza Khan (@Hamzakhan17_) July 27, 2026