ટીમ ઇન્ડિયાના આ ખેલાડીની ચમકી કિસ્મત, રાંચી ટેસ્ટમાં સ્થાન મળ્યું

ભારત અને ઈંગ્લેન્ડ વચ્ચે ચોથી ટેસ્ટ મેચ 23 ફેબ્રુઆરીથી રાંચીના ઝારખંડ સ્ટેટ ક્રિકેટ એસોસિએશન ઈન્ટરનેશનલ ક્રિકેટ સ્ટેડિયમમાં રમાશે. આ મેચ પહેલા ટીમ ઈન્ડિયાની ટીમમાં કેટલાક ફેરફાર જોવા મળ્યા છે.

જસપ્રીત બુમરાહ અને કેએલ રાહુલ આ મેચનો ભાગ નહીં હોય. આ સાથે જ મુકેશ કુમારની ટીમમાં એન્ટ્રી થઈ ગઈ છે. આ બધા સિવાય ટીમમાં વધુ એક ખેલાડીનો સમાવેશ કરવામાં આવ્યો છે.

ક્વાડ્રિસેપ્સની ઈજાને કારણે કેએલ રાહુલ હવે ત્રીજી મેચ બાદ ચોથી ટેસ્ટમાંથી બહાર છે. BCCI એ અપડેટ કર્યું છે કે તે શ્રેણીની છેલ્લી મેચમાં ટીમનો ભાગ હશે. આવી સ્થિતિમાં પસંદગીકારોએ ફરી એકવાર દેવદત્ત પડિકલને ટીમમાં સામેલ કર્યા છે. દેવદત્ત પડિક્કલને અગાઉ માત્ર ત્રીજી ટેસ્ટ માટે જ ટીમમાં સામેલ કરવામાં આવ્યો હતો. પરંતુ તેને પ્લેઇંગ 11માં સામેલ કરવામાં આવ્યો ન હતો. જો કે હવે તે ચોથી મેચમાં પણ ટીમનો ભાગ હશે.

દેવદત્ત પડિક્કલને 2021ના શ્રીલંકા પ્રવાસ માટે ભારતીય ટીમમાં સામેલ કરવામાં આવ્યો હતો. દેવદત્ત પડિકલે તે પ્રવાસમાં 2 T20 મેચ રમી હતી. આ બે મેચમાં દેવદત્ત પડિકલે 38 રન બનાવ્યા હતા. જ્યારે, દેવદત્ત પડિક્કલ ઘરેલુ ક્રિકેટમાં કર્ણાટક ટીમ માટે રમે છે. રણજી ટ્રોફી હાલમાં ભારતીય સ્થાનિક ક્રિકેટમાં રમાઈ રહી છે. દેવદત્ત પડિકલે આ ટૂર્નામેન્ટમાં શાનદાર પ્રદર્શન કર્યું, જેના કારણે તેને ટીમ ઈન્ડિયામાં સામેલ કરવામાં આવ્યો છે. દેવદત્ત પડિકલે રણજી ટ્રોફીની છેલ્લી 4 મેચમાં 92.66ની એવરેજથી 556 રન બનાવ્યા છે. જેમાં 3 સદી સામેલ છે.

ટેસ્ટ શ્રેણીની ચોથી મેચ માટે ટીમ ઈન્ડિયાની ટીમ:

રોહિત શર્મા (કેપ્ટન), યશસ્વી જયસ્વાલ, શુભમન ગિલ, રજત પાટીદાર, સરફરાઝ ખાન, ધ્રુવ જુરેલ (વિકેટકીપર), કે.એસ. ભરત (વિકેટકીપર), દેવદત્ત પડિકલ, આર. અશ્વિન, રવિન્દ્ર જાડેજા, અક્ષર પટેલ, વોશિંગ્ટન સુંદર, કુલદીપ યાદવ, મોહમ્મદ સિરાજ. , મુકેશ કુમાર, આકાશ દીપ.