ભારત અને ઓસ્ટ્રેલિયા વચ્ચે ચાલી રહેલી બોર્ડર ગાવસ્કર ટ્રોફીમાં ઓસ્ટ્રેલિયાના બેટ્સમેન ઉસ્માન ખ્વાજાએ સદી ફટકારી છે. તે 246 બોલનો સામનો કરીને 100 રન પૂરા કરવામાં સફળ રહ્યો છે.
ઉસ્માન ખ્વાજા ભારત સામે ચાલી રહેલી બોર્ડર ગાવસ્કર ટ્રોફીમાં સદી ફટકારનાર પ્રથમ ઓસ્ટ્રેલિયન ખેલાડી પણ બની ગયો છે. આ પહેલા ભારતીય કેપ્ટન રોહિત શર્માએ ચાલુ શ્રેણીમાં સદી ફટકારી હતી. તેણે પ્રથમ ટેસ્ટ મેચમાં સદી ફટકારી હતી. ખ્વાજાએ શમીની ઓવરમાં ચોગ્ગો ફટકારીને પોતાની સદી પૂરી કરી હતી.
ભારત સામેની ચોથી ટેસ્ટ મેચમાં ઉસ્માન ખ્વાજાએ 246 બોલનો સામનો કરીને સદી પૂરી કરી હતી. તેણે પોતાની ઇનિંગમાં 15 ચોગ્ગા ફટકાર્યા છે. ખ્વાજાએ ટ્રેવિસ હેડ સાથે ઇનિંગ્સની શરૂઆત કરી હતી. તેણે હેડ સાથે પ્રથમ વિકેટ માટે 94 બોલમાં 61 રનની ભાગીદારી કરી હતી. આ પછી તેણે સ્ટીવ સ્મિથ સાથે અડધી સદીની ઇનિંગ પણ રમી હતી. સ્મિથ અને ખ્વાજાએ ત્રીજી વિકેટ માટે 248 બોલમાં 79 રનની ભાગીદારી કરી હતી. સ્મિથના આઉટ થયા બાદ ખ્વાજા અને હેન્ડ્સકોમ્બે 19 રનની ભાગીદારી નોંધાવી હતી. આ પછી કેમરૂન ગ્રીન અને ખ્વાજા વચ્ચે અણનમ 80 રનની ભાગીદારી થઈ હતી.
ભારત સામે ઉસ્માન ખ્વાજાની આ પ્રથમ સદી છે. તેણે 60 મેચમાં 4413 રન બનાવ્યા છે. તેણે પોતાની ટેસ્ટ કારકિર્દીમાં 14 સદી ફટકારી છે. આ સિરીઝની શરૂઆતમાં તેણે બીજી ટેસ્ટ મેચની પ્રથમ ઇનિંગમાં 81 રન બનાવ્યા હતા.
ઉસ્માન ખ્વાજા બોર્ડર ગાવસ્કર શ્રેણીમાં સૌથી વધુ રન બનાવનાર ખેલાડી પણ છે. તેણે 4 મેચની 7 ઇનિંગ્સમાં 257 રન બનાવ્યા છે. તેની એવરેજ 42.83 હતી. આ યાદીમાં બીજા નંબર પર ભારતના કેપ્ટન રોહિત શર્મા છે, જેણે પાંચ ઇનિંગ્સમાં 207 રન બનાવ્યા છે. ત્રીજા નંબર પર અક્ષર પટેલ છે જેણે 185 રન બનાવ્યા છે.
496 runs in Pakistan in 3 Tests in 2022.
45.67 average in Sri Lanka in 2 Tests in 2022.
Leading run-scorer for Australia in India in 2023.
The second coming of Usman Khawaja has been beautiful. pic.twitter.com/5vEF40Uijf
— Johns. (@CricCrazyJohns) March 9, 2023