ઓસ્ટ્રેલિયાના ઓપનર ઉસ્માન ખ્વાજાએ ગુરુવારે ભારત સામે બોર્ડર-ગાવસ્કર ટ્રોફીની ચોથી અને અંતિમ ટેસ્ટમાં સદી ફટકારીને મોટી સિદ્ધિ હાંસલ કરી હતી.
ડાબા હાથના બેટ્સમેને અમદાવાદના નરેન્દ્ર મોદી સ્ટેડિયમમાં પ્રથમ દિવસે 246 બોલમાં 15 ચોગ્ગાની મદદથી સદી પૂરી કરી હતી. ખ્વાજાની ટેસ્ટ કરિયરની આ 14મી સદી હતી જ્યારે ભારત વિરુદ્ધ પ્રથમ સદી હતી.
ઉસ્માન ખ્વાજા ભારતમાં ટેસ્ટ સદી ફટકારનાર 11મો ઓસ્ટ્રેલિયન ઓપનર બન્યો છે. જો કે, ખ્વાજા 2010 પછી ભારતમાં ટેસ્ટ સદી ફટકારનાર પ્રથમ ઓસ્ટ્રેલિયન ઓપનર બન્યો. અગાઉ શેન વોટસન ભારતમાં ટેસ્ટ સદી ફટકારનાર છેલ્લો ઓસ્ટ્રેલિયન ઓપનર હતો. જો આપણે 2001 થી નોંધ કરીએ તો, ખ્વાજા ભારતમાં ટેસ્ટ સદી ફટકારનાર ત્રીજા ઓસ્ટ્રેલિયન ઓપનર બન્યો છે.
ઉસ્માન ખ્વાજાની શાનદાર ઇનિંગના કારણે ઓસ્ટ્રેલિયાની ટીમે ચોથી ટેસ્ટના પહેલા દિવસે પોતાની સ્થિતિ મજબૂત કરી લીધી છે. સ્ટમ્પના સમય સુધીમાં ઓસ્ટ્રેલિયાએ 90 ઓવરમાં 4 વિકેટ ગુમાવીને 255 રન બનાવ્યા હતા. જોકે, ઉસ્માન ખ્વાજાએ વર્તમાન પ્રવાસમાં અસાધારણ રીતે સારું પ્રદર્શન કર્યું છે. ખ્વાજાએ ચાર ટેસ્ટની પાંચ ઇનિંગ્સમાં 256 રન બનાવ્યા છે અને તેમાં વધારો થવાની આશા છે.
Hundred for Usman Khawaja, the best Australian batsman in BGT 2023, has been terrific in Asia.
He is the first Australian to score a hundred in this BGT. pic.twitter.com/QT0EKPzaOx
— Johns. (@CricCrazyJohns) March 9, 2023