જુનિયર ક્રિકેટમાં ક્રમની ટોચ પર બેટિંગ કરતા, વોશિંગ્ટન સુંદર રમતના ટૂંકા ફોર્મેટમાં સ્પેશિયાલિસ્ટ સ્પિનર તરીકેની છાપ બનાવી છે પરંતુ નજીકના ભવિષ્યમાં ટેસ્ટ મેચમાં ભારત માટે ઇનિંગ્સ ખોલવા માંગે છે.
તમિલનાડુના 22 વર્ષીય ખેલાડીએ ભારત માટે ચાર ટેસ્ટ, એક વનડે અને 31 ટી-20 આંતરરાષ્ટ્રીય મેચ રમી છે જેમાં તેણે 32 વિકેટ લીધી છે. તેણે ત્રણ અડધી સદીની મદદથી 312 રન પણ બનાવ્યા છે. જુલાઈમાં બ્રિટનમાં વોર્મ-અપ મેચ દરમિયાન હાથમાં થયેલી ઈજાએ વોશિંગ્ટનની આઈપીએલ તેમજ સંયુક્ત આરબ અમીરાતમાં ચાલી રહેલા ટી 20 વર્લ્ડ કપમાં રમવાની તક છીનવી લીધી હતી.
તે સૈયદ મુશ્તાક અલી ટ્રોફીમાં સંપૂર્ણ રીતે બેટ્સમેન તરીકે પરત ફરવાનો હતો, પરંતુ એવું જાણવા મળ્યું છે કે તેને સંપૂર્ણ ફિટનેસ ન મળવાના કારણે રમત ફરી શરૂ કરવા માટે જરૂરી મંજૂરી મળી નથી. BCCIની નીતિ અનુસાર, તેને હોમ મેચ વગર ન્યૂઝીલેન્ડ શ્રેણી માટે પસંદ કરી શકાતો નથી. વોશિંગ્ટને અહીં એક ઇવેન્ટ દરમિયાન કહ્યું કે, ભારતીય ટેસ્ટ ટીમ માટે ઓપનરની ભૂમિકા ભજવવી મારા માટે લહાવો હશે.
તેણે કહ્યું કે, તે ટી -20 વર્લ્ડ કપમાં પાકિસ્તાન સામેની વર્લ્ડકપ મેચમાં વિરાટ કોહલી, કેએલ રાહુલ અને રવિન્દ્ર જાડેજા પાસેથી શાનદાર પ્રદર્શનની અપેક્ષા રાખે છે. જ્યારે ટુર્નામેન્ટની સેમીફાઇનલ અંગે પૂછવામાં આવતા વોશિંગ્ટને કહ્યું કે, સ્વાભાવિક રીતે ભારતની સાથે સાથે વેસ્ટ ઇન્ડીઝ, ઇંગ્લેન્ડ અને ઓસ્ટ્રેલિયાની ટીમો માટે વધુ અવકાશ છે.