ICC વર્લ્ડ ટેસ્ટ ચેમ્પિયનશિપ (WTC)ની ફાઈનલ બુધવારથી શરૂ થઈ રહી છે. ભારત અને ઓસ્ટ્રેલિયા ટ્રોફી માટે લંડનના કેનિંગ્ટન ઓવલ મેદાન પર ટકરાશે.
ટાઇટલ મેચ 7 થી 11 જૂન દરમિયાન રમાશે. જ્યારે 12 જૂન એ અનામત દિવસ છે. જો હવામાન વિલન સાબિત થશે, તો અનામત દિવસનો ઉપયોગ કરવામાં આવશે.
ફાઈનલ માટે નિર્ધારિત પાંચ દિવસમાં હવામાન કેવું રહેશે?
આ WTC એડિશનની બીજી ફાઈનલ છે. ભારતીય ટીમ સતત બીજી વખત ફાઇનલમાં પહોંચી છે. જ્યારે 2021માં સાઉથેમ્પટનમાં પ્રથમ આવૃત્તિની ફાઈનલ યોજાઈ હતી, ત્યારે વરસાદે તેમાં વિક્ષેપ પાડ્યો હતો. ત્યાર બાદ ભારતને ન્યુઝીલેન્ડે 8 વિકેટે હરાવ્યું હતું.
Weather.com મુજબ, ભારત અને ઓસ્ટ્રેલિયા ફાઇનલ મેચના પહેલા દિવસે હવામાન સ્વચ્છ અને ધૂળવાળુ રહેવાની ધારણા છે. મેચની શરૂઆતના કલાકમાં વરસાદની માત્ર 2 ટકા શક્યતા છે. તાપમાન 17 થી 21 ડિગ્રી સેલ્સિયસ રહી શકે છે. પવન 15-17 કિલોમીટર પ્રતિ કલાકની ઝડપે ફૂંકાઈ શકે છે. મેચના બીજા દિવસે રમતના સમયે વરસાદનો કોઈ ખતરો નથી. શરૂઆતના થોડા કલાકોમાં 2 ટકા વરસાદનો અંદાજ છે. જોકે, વાદળો 26 ટકા રહેશે. સવારનું તાપમાન 17 ડિગ્રી સેલ્સિયસની આસપાસ રહેશે. પવન 21 કિલો પ્રતિ કલાકની ઝડપે ફૂંકાઈ શકે છે.
ટાઇટલ મેચના ત્રીજા દિવસે હવામાન ખરાબ થવાની શક્યતાઓ ઘણી ઓછી છે. દિવસનું તાપમાન 20 ડિગ્રી સેલ્સિયસની આસપાસ રહેશે. વરસાદની માત્ર 8 ટકા શક્યતા છે જ્યારે પવન 22 કિલોમીટર પ્રતિ કલાકની ઝડપે ફૂંકાય તેવી શક્યતા છે.
10 જૂન એટલે કે શનિવારે વરસાદ વિલન બની શકે છે. દિવસ દરમિયાન વરસાદની 70 ટકાથી વધુ શક્યતા છે. તાપમાન 25 ડિગ્રી સેલ્સિયસ અને ભેજ 63 ટકા સુધી રહી શકે છે. તે જ સમયે, મેચના પાંચમા દિવસે લગભગ 70 ટકા વરસાદની સંભાવના છે. દિવસ દરમિયાન તાપમાન 26 ડિગ્રી સેલ્સિયસ સુધી રહી શકે છે. ભેજ લગભગ 65 ટકા સુધી હોઇ શકે છે. 10 કિમી પ્રતિ કલાકની ઝડપે પવન ફૂંકાઈ શકે છે.