ભારતીય ક્રિકેટના સુપરસ્ટાર વિરાટ કોહલીએ દેશવાસીઓને ભારતીય ઓલિમ્પિક ટીમને ઉત્સાહિત કરવા વિનંતી કરી અને કહ્યું કે પેરિસમાં 26 જુલાઈથી શરૂ થઈ રહેલા ઓલિમ્પિકમાં મેડલ માટે પ્રયાસ કરવા જઈ રહેલા ખેલાડીઓને દરેકે સમર્થન આપવું જોઈએ.
26 જુલાઈથી પેરિસમાં ઓલિમ્પિકનું આયોજન થશે. વિરાટ કોહલીએ દેશવાસીઓને ભારતના ઓલિમ્પિક ટુકડી માટે ઉત્સાહિત થવા વિનંતી કરી, કોહલીએ કહ્યું કે હવે સમય આવી ગયો છે કે ભારતને સ્પોર્ટ્સ સુપરપાવર તરીકે ઓળખવામાં આવે.
સોશિયલ મીડિયા પર લગભગ એક મિનિટના લાંબા વીડિયોમાં કોહલીએ કહ્યું કે હવે સમય આવી ગયો છે કે ભારતને સ્પોર્ટ્સ સુપરપાવર તરીકે ઓળખવામાં આવે. આ વીડિયોમાં ભારતના ઓલિમ્પિક મેડલની આશા ભાલા ફેંક સ્ટાર નીરજ ચોપરા, બોક્સર નિશાંત દેવ દર્શાવવામાં આવ્યા છે.
કોહલીએ કહ્યું કે, ‘એક સમય હતો જ્યારે દુનિયા ભારતને સાપ અને હાથીઓના દેશ તરીકે જાણતી હતી પરંતુ હવે એવું નથી.’ હવે આપણે વિશ્વની સૌથી મોટી લોકશાહી અને માહિતી ટેકનોલોજીનું કેન્દ્ર છીએ. તેણે કહ્યું, “અમે ક્રિકેટ અને બોલિવૂડ, સ્ટાર્ટ-અપ યુનિકોર્ન અને ઝડપથી વિકસતી અર્થવ્યવસ્થા માટે જાણીતા છીએ.” હવે આ મહાન દેશ માટે આગળ શું થશે? મહત્તમ ગોલ્ડ, સિલ્વર અને બ્રોન્ઝ મેડલ.
કોહલીએ કહ્યું કે, અમારા ભાઈ-બહેનો મેડલ જીતવા પેરિસ જઈ રહ્યા છે. ‘એક અબજથી વધુ ભારતીયો ટ્રૅક ઍન્ડ ફિલ્ડ, કોર્ટ કે રિંગમાં જતાની સાથે ઉત્સાહથી જોશે.’
From dreams to medals.🏅
It’s time to back our athletes as they step foot into Paris!✊🏼🇮🇳@IIS_Vijayanagar @StayWrogn #JaiHind #WeAreTeamIndia #Paris2024 #RoadToParis2024 #StayWrogn pic.twitter.com/pbi7TYWjsN— Virat Kohli (@imVkohli) July 15, 2024