લખનૌ સુપર જાયન્ટ્સના કેપ્ટન કેએલ રાહુલે રવિવારે 7 એપ્રિલે 31 બોલમાં 33 રન બનાવ્યા હતા. આ માટે તેની ધીમી સ્ટ્રાઈક રેટ સાથે રમવા બદલ ટીકા થઈ રહી છે. જો કે, તેની ટીમે ગુજરાત ટાઇટન્સને હરાવીને IPL 2024ની ત્રીજી જીત નોંધાવી હતી.
આઈપીએલ 2024ના પોઈન્ટ ટેબલમાં ટીમ ત્રીજા સ્થાને પહોંચી ગઈ છે, પરંતુ મેચ પછીના વીડિયોમાં એક વ્યક્તિએ કેએલ રાહુલને રક્ષા મંત્રી કહ્યા છે. આ પછી એલએસજીના ઓપનર કેએલ રાહુલની પ્રતિક્રિયા જોવા જેવી હતી. કેએલ રાહુલે તેમને પૂછ્યું કે તમે મારા સ્ટ્રાઈક રેટની મજાક ઉડાવી રહ્યા છો.
વાસ્તવમાં, લખનૌ સુપર જાયન્ટ્સના સોશિયલ મીડિયા હેન્ડલ્સ પર એક વીડિયો શેર કરવામાં આવ્યો હતો, જેમાં તેમની સોશિયલ મીડિયા ટીમના એક સર્જક કેએલ રાહુલને અભિનંદન આપી રહ્યો છે કે તેણે મેચ જીતી લીધી છે. આ વ્યક્તિ કેએલ રાહુલને કહે છે કે મને લાગે છે કે તમારે ભારતના આગામી સંરક્ષણ પ્રધાન બનવું જોઈએ. તેના પર કેએલ રાહુલ કહે છે કે દોસ્ત, તું પણ મારા સ્ટ્રાઈક રેટની મજાક ઉડાવે છે? આના પર તે વ્યક્તિ કહે છે, અરે ના… તમે 160 પ્લસના ટાર્ગેટનો બચાવ કરો છો, એટલા માટે હું તમને રક્ષા મંત્રી કહી રહ્યો છું. તમે પણ જુઓ આ ફની વિડીય:
13-0 when defending 160+ 💙🔥 pic.twitter.com/Zt67qS7p15
— Lucknow Super Giants (@LucknowIPL) April 8, 2024