રાજસ્થાન રોયલ્સના કેપ્ટન સંજુ સેમસનને મોટો આંચકો લાગ્યો છે. બુધવાર, 10 એપ્રિલની રાત્રે, તેની ટીમ રાજસ્થાન રોયલ્સનો IPL 2024 ની પ્રથમ હાર ગુજરાત ટાઇટન્સના હાથે થઈ હતી.
આ સાથે BCCIએ તેના પર લાખો રૂપિયાનો દંડ પણ લગાવ્યો છે. સ્લો ઓવર રેટના કારણે BCCIએ કેપ્ટન પર આ દંડ લગાવ્યો છે. સંજુ સેમસન જીટી સામે નિર્ધારિત સમયમાં 20 ઓવર પણ પૂરી કરી શક્યો ન હતો. આ જ કારણ છે કે ઈનિંગની છેલ્લી ઓવરમાં તેમને 4ની જગ્યાએ 5 ખેલાડીઓને 30 યાર્ડની અંદર રાખવા પડ્યા હતા. આ સાથે હવે બીસીસીઆઈએ તેના પર દંડ પણ ફટકાર્યો છે.
ભારતીય ક્રિકેટ કંટ્રોલ બોર્ડ (BCCI) એ ધીમી ઓવર રેટના ગુના બદલ સંજુ સેમસન પર 12 લાખ રૂપિયાનો દંડ લગાવ્યો છે. IPL 2024માં કેપ્ટનની આ પહેલી ભૂલ છે, જેના કારણે તેને માત્ર દંડ ફટકારવામાં આવ્યો છે. જો ટીમ ફરીથી આ ભૂલનું પુનરાવર્તન કરશે તો અન્ય ખેલાડીઓ પણ તેનો શિકાર બનશે.
તમને જણાવી દઈએ કે, IPL 2024માં રાજસ્થાન રોયલ્સનો આ પહેલો ગુનો છે, તેથી કેપ્ટનને માત્ર 12 લાખ રૂપિયાનો દંડ ફટકારવામાં આવ્યો છે. જો RR સિઝનમાં બીજી વખત આવી ભૂલ કરશે તો કેપ્ટનને 24 રૂપિયાનો દંડ ફટકારવામાં આવશે.
IPL 2024માં દિલ્હી કેપિટલ્સના કેપ્ટન ઋષભ પંતે બે વખત અને ગુજરાત ટાઇટન્સના કેપ્ટન શુભમન ગિલ એક વખત આ ભૂલ કરી ચૂક્યા છે.