મહાન ભારતીય ક્રિકેટર સુનીલ ગાવસ્કરે ગુજરાત ટાઇટન્સના વાઇસ કેપ્ટન રાશિદ ખાનના પ્રદર્શનની પ્રશંસા કરી છે. ગાવસ્કરે રાશિદની સરખામણી ઈંગ્લેન્ડના ટેસ્ટ કેપ્ટન બેન સ્ટોક્સ સાથે કરી છે. જયપુરમાં રાજસ્થાન રોયલ્સ સામે રમાયેલી મેચમાં રાશિદ ખાને છેલ્લા બોલે ગુજરાત ટાઇટન્સને જીત અપાવી હતી.
રાશિદ ખાને બોલિંગ વખતે જોસ બટલરને આઉટ કર્યો અને 11 બોલમાં 24 રનની જોરદાર ઇનિંગ રમી. ગાવસ્કરે રાશિદની માત્ર મહત્વની વિકેટ લેવાની ક્ષમતા માટે જ નહીં, પરંતુ એવા સમયે બેટ સાથેના યોગદાન માટે પણ પ્રશંસા કરી હતી જ્યારે તેની ટીમને તેની સૌથી વધુ જરૂર હતી.
સુનિલ ગાવસ્કરે સ્ટાર સ્પોર્ટ્સ શોમાં કહ્યું, “રશીદ હંમેશની જેમ વિકેટ લે છે અને જ્યારે જરૂર પડે ત્યારે બેટથી પોતાનું કામ કરે છે. આ કારણે વિશ્વભરની ફ્રેન્ચાઈઝી તેને ખરીદવા માંગે છે. તેઓ તેને ઈચ્છે છે કારણ કે તેઓ તેની પ્રતિબદ્ધતા, બેટિંગ, બોલિંગ, ફિલ્ડિંગ જુએ છે. ફિલ્ડિંગ કરતી વખતે તે જે રીતે પોતાનું સર્વસ્વ આપે છે તે જુઓ. બોલરો ફિલ્ડિંગ કરતી વખતે ડાઇવિંગ કરતા શરમાતા હોય છે પરંતુ રાશિદ સાથે આવું નથી. રાશિદ ટીમને 100 ટકા આપવા માંગે છે.”
તેણે આગળ કહ્યું, “એક વધુ ક્રિકેટર છે જે IPLમાં નથી રમી રહ્યો. બેન સ્ટોક્સ એવો છે. જ્યારે પણ તમે બેન સ્ટોક્સને જુઓ, બેટિંગ, બોલિંગ, ફિલ્ડિંગ, તે સો ટકા આપે છે. તે બધું આપે છે અને તમે જાણો છો, આ એવા ક્રિકેટરો છે જે કોચને જોઈએ છે, કેપ્ટન જોઈએ છે. તેઓ હંમેશા પરિણામ આપી શકતા નથી. પરંતુ તમે જાણો છો કે પ્રયત્નોની ટકાવારી ક્યારેય 100% થી ઓછી નહીં હોય.”