રોહિતની કેપ્ટનશિપ છીનવી લેવાનો સવાલો પર હાર્દિક-બાઉચર ચૂપ રહ્યા, જુઓ

IPL 2024ની શરૂઆત પહેલા મુંબઈ ઈન્ડિયન્સના કેપ્ટન હાર્દિક પંડ્યા અને મુખ્ય કોચ માર્ક બાઉચરે એક ઈવેન્ટમાં પત્રકારોના સવાલોના જવાબ આપ્યા હતા પરંતુ આ દરમિયાન તેઓએ રોહિત શર્મા સાથે જોડાયેલા એક સવાલને પણ નજરઅંદાજ કર્યો હતો.

દરસલ IPL 2024 પહેલા, મુંબઈ ઈન્ડિયન્સના કોચ માર્ક બાઉચર અને નવા કેપ્ટન હાર્દિક પંડ્યાએ એક કાર્યક્રમમાં હાજરી આપી હતી જ્યાં તેમને ઘણા પત્રકારો દ્વારા પ્રશ્નો પૂછવામાં આવ્યા હતા.

આ દરમિયાન માર્ક બાઉચર અને હાર્દિક પંડ્યાને પણ આવા કેટલાક પ્રશ્નો પૂછવામાં આવ્યા હતા જેનાથી હાર્દિક અને બાઉચર અસ્વસ્થ દેખાય હતા. જ્યારે એક પત્રકારે તેને ભૂતપૂર્વ MI કેપ્ટન રોહિત શર્મા વિશે પ્રશ્ન પૂછ્યો હતો.

આ દરમિયાન હાર્દિક પંડ્યા તેની બાજુમાં બેઠો હતો. આ પત્રકારે બાઉચરને પૂછ્યું કે એવું કયું કારણ હતું જેના કારણે મુંબઈ મેનેજમેન્ટે રોહિતની જગ્યાએ હાર્દિકને કેપ્ટન બનાવવાનો નિર્ણય કર્યો. કેપ્ટનશિપનો સવાલ સાંભળ્યા બાદ હાર્દિક પંડ્યા અને માર્ક બાઉચર બંને અસહજ દેખાતા હતા અને બંનેએ સવાલનો જવાબ આપવાનો ઇનકાર કરી દીધો હતો, ત્યારબાદ રૂમમાં એક વિચિત્ર શાંતિ છવાઈ ગઈ હતી.

આ પહેલીવાર હતો જ્યારે હાર્દિક પંડ્યા મુંબઈ ઈન્ડિયન્સના નવા કેપ્ટન તરીકે મીડિયાને સત્તાવાર રીતે સંબોધિત કરી રહ્યો હતો. આ ઈવેન્ટમાં હાર્દિકે કેપ્ટનશિપમાં ફેરફાર સાથે જોડાયેલા અનેક સવાલોના જવાબ પણ આપ્યા હતા. જ્યારે તેમને પૂછવામાં આવ્યું કે નવો અનુભવ કેવો હશે, ત્યારે હાર્દિકે કહ્યું કે તે કંઈ અલગ નહીં હોય કારણ કે ટીમમાં તેના વરિષ્ઠ ખેલાડીઓ અને ભૂતપૂર્વ કેપ્ટન રોહિત શર્મા જ્યારે પણ તેને જરૂર પડશે ત્યારે તેને ટેકો આપશે.