મુંબઈ ઈન્ડિયન્સનો કેપ્ટન હાર્દિક પંડ્યા અત્યારે ખૂબ જ ખરાબ તબક્કામાંથી પસાર થઈ રહ્યો છે. IPL 2024માં મુંબઈ ઈન્ડિયન્સની કમાન સંભાળી ત્યારથી તેને ઘણી ટીકાઓનો સામનો કરવો પડી રહ્યો છે.
સતત મેચોમાં તેને મેચ દરમિયાન બૂમાબૂમનો સામનો કરવો પડ્યો છે. આ બધાની વચ્ચે મુંબઈ ઈન્ડિયન્સની ટીમ પાંચ દિવસના વિરામ પર છે અને આ દરમિયાન ટીમના કેપ્ટન હાર્દિક પંડ્યાએ શુક્રવારે સોમનાથ મંદિરમાં ભગવાન શિવની પૂજા કરી હતી. દેશના 12 જ્યોતિર્લિંગોમાં સોમનાથ મંદિર પ્રથમ આવે છે.
ANIએ સોશિયલ મીડિયા પર એક વીડિયો શેર કર્યો છે, જેમાં મુંબઈ ઈન્ડિયન્સનો કેપ્ટન હાર્દિક પંડ્યા પૂજા કરતો જોવા મળી રહ્યો છે. IPL 2024માં હાર્દિક પંડ્યાની આગેવાની હેઠળની મુંબઈ ઈન્ડિયન્સની ટીમ સતત ત્રણ મેચ હારી ગઈ છે. ચાલુ ટુર્નામેન્ટમાં મુંબઈ એકમાત્ર એવી ટીમ છે જેણે હજુ સુધી જીતનું ખાતું ખોલ્યું નથી. ટીમના ખરાબ પ્રદર્શનને કારણે હાર્દિક પંડ્યાને પ્રશંસકો તરફથી સમર્થન નથી મળી રહ્યું અને તેને મેદાનની અંદર અને બહાર ઘણો ટ્રોલ કરવામાં આવી રહ્યો છે.
મુંબઈ ઈન્ડિયન્સની ટીમે તેની છેલ્લી મેચ 1 એપ્રિલે રમી હતી, ત્યારબાદ ટીમ 5 દિવસના બ્રેક પર છે. સમગ્ર મુંબઈ ઈન્ડિયન્સની ટીમ ગુજરાતના જામનગરમાં મસ્તી કરી રહી છે. મુંબઈ ઈન્ડિયન્સની આગામી મેચ 7 એપ્રિલે દિલ્હી કેપિટલ્સ સામે છે. ટીમ આ બ્રેકમાંથી ફ્રેશ થઈને આગામી મેચમાં નવા ઈરાદા સાથે રમશે.
Hardik Pandya offers prayers at Somnath Temple. 🙏pic.twitter.com/hZNIVQ3MH3
— Johns. (@CricCrazyJohns) April 5, 2024