શું મુંબઈ ઇન્ડિયન્સ મુશ્કેલીમાં?

IPL 2026 Rohit Sharma Captaincy: હાર્દિક અને સુર્યકુમારની ગેરહાજરીમાં ફરી કમાન સંભાળી શકે છે રોહિત

Rohit Sharmaની કેપ્ટન્સી ફરી એકવાર ચર્ચામાં આવી છે. મુંબઈ ઇન્ડિયન્સના નિયમિત કેપ્ટન Hardik Pandya અને કાર્યકારી કેપ્ટન Suryakumar Yadavની ઉપલબ્ધતા પર સવાલ ઉભા થતા હવે એવી અટકળો ચાલી રહી છે કે રોહિત ફરી એકવાર ટીમની કમાન સંભાળી શકે છે.

Mumbai Indians માટે IPL 2026 અત્યાર સુધી ખૂબ નિરાશાજનક રહ્યું છે. ટીમે 10 મેચોમાં માત્ર 3 જીત મેળવી છે અને હવે પ્લેઓફની આશા જીવંત રાખવા માટે દરેક મેચ જીતવી જરૂરી બની ગઈ છે.

હાર્દિક પંડ્યા અને સુર્યકુમારની ફિટનેસે વધારી ચિંતા

મીડિયા રિપોર્ટ્સ મુજબ હાર્દિક પંડ્યા ટીમ સાથે રાયપુર જવા માટે રવાના થયા નહોતા. મુંબઈ એરપોર્ટ પર જ્યારે અન્ય ખેલાડીઓ નજરે પડ્યા ત્યારે હાર્દિક ત્યાં હાજર નહોતા.

માહિતી મુજબ હાર્દિક પીઠમાં ખેંચાવાની સમસ્યાથી પરેશાન છે. આ કારણસર તેઓ અગાઉની મેચમાં Lucknow Super Giants સામે પણ રમ્યા નહોતા. હવે Royal Challengers Bengaluru સામેની મેચમાં તેમના રમવા અંગે પણ સસ્પેન્સ યથાવત છે.

બીજી તરફ સુર્યકુમાર યાદવ પણ ટીમ સાથે રાયપુર ગયા નથી. રિપોર્ટ્સ અનુસાર તેઓ વ્યક્તિગત કારણોસર ટીમથી દૂર છે. આવી સ્થિતિમાં આગામી મેચમાં તેમની ઉપલબ્ધતા અંગે પણ અનિશ્ચિતતા છે.

ફરી કેપ્ટન બની શકે છે રોહિત શર્મા

જો હાર્દિક પંડ્યા અને સુર્યકુમાર યાદવ બંને આગામી મેચમાં ઉપલબ્ધ નહીં હોય, તો રોહિત શર્માની કેપ્ટન્સીની શક્યતા ઘણી વધી શકે છે.

રોહિત શર્મા અગાઉ લાંબા સમય સુધી મુંબઈ ઇન્ડિયન્સની કેપ્ટન્સી કરી ચૂક્યા છે. તેમની આગેવાની હેઠળ ટીમે 5 વખત IPL ટ્રોફી જીતી હતી, જે પોતે જ એક મોટો રેકોર્ડ છે.

દબાણભરી પરિસ્થિતિમાં શાંત રહેવાની તેમની ક્ષમતા અને અનુભવ મુંબઈ ઇન્ડિયન્સ માટે આ મુશ્કેલ સમયમાં ખૂબ ઉપયોગી સાબિત થઈ શકે છે.

મુંબઈ ઇન્ડિયન્સ પાસે છે અન્ય વિકલ્પો પણ રોહિત શર્મા સિવાય પણ મુંબઈ ઇન્ડિયન્સ પાસે કેટલાક અન્ય કેપ્ટન્સીના વિકલ્પો ઉપલબ્ધ છે. યુવા બેટ્સમેન Tilak Varmaને ભવિષ્યના કેપ્ટન તરીકે જોવામાં આવે છે અને ટીમ તેમને તક આપી શકે છે.તે ઉપરાંત Jasprit Bumrah પણ કેપ્ટન્સીના મજબૂત દાવેદાર માનવામાં આવે છે. બુમરાહ પાસે આંતરરાષ્ટ્રીય સ્તરે કેપ્ટન્સી કરવાનો અનુભવ છે, જે ટીમ માટે ફાયદાકારક બની શકે છે.

હવે જોવાનું રસપ્રદ રહેશે કે આરસિબી સામેની મહત્વપૂર્ણ મેચમાં મુંબઈ ઇન્ડિયન્સ કોને કેપ્ટન તરીકે પસંદ કરે છે.