ચેન્નાઈ સુપર કિંગ્સ (CSK)માં એક મોટા ફેરફારના સંકેતો મળી રહ્યા છે. લગભગ 18 વર્ષ સુધી ટીમના સૌથી સફળ હેડ કોચ તરીકે સેવા આપનાર સ્ટીફન ફ્લેમિંગે પદ છોડવાનો નિર્ણય લીધો છે. તેની વિદાય બાદ પૂર્વ ભારતીય ક્રિકેટર હેમાંગ બદાનીને CSKના નવા હેડ કોચ તરીકે નિમવામાં આવી શકે છે તેવી ચર્ચા જોરશોરથી ચાલી રહી છે.
હેમાંગ બદાનીનું નામ ચર્ચામાં આવવાનું એક મોટું કારણ તેમના જૂના નિવેદનો પણ છે. તેણે અગાઉ સ્ટીફન ફ્લેમિંગના કોચિંગ પર સવાલ ઉઠાવતા કહ્યું હતું કે ફ્લેમિંગે IPL સિવાય ક્યાંય મોટી સફળતા મેળવી નથી અને CSKની સફળતા પાછળ સૌથી મોટો હાથ મહેન્દ્ર સિંહ ધોનીનો રહ્યો છે. તેના આ નિવેદન બાદ ક્રિકેટ જગતમાં ભારે ચર્ચા થઈ હતી અને ઘણા પૂર્વ ક્રિકેટરોએ તેની ટીકા પણ કરી હતી.
જો હવે હેમાંગ બદાની ખરેખર CSKના હેડ કોચ બને છે, તો તે ક્રિકેટ જગત માટે એક રસપ્રદ વળાંક ગણાશે. કારણ કે જે વ્યક્તિએ ફ્લેમિંગની કોચિંગ ક્ષમતા પર સવાલ ઉઠાવ્યા હતા, તે જ હવે તેની જગ્યાએ બેસી શકે છે.
સ્ટીફન ફ્લેમિંગના માર્ગદર્શન હેઠળ CSKએ પાંચ IPL ટ્રોફી જીતી હતી અને ટીમને લીગની સૌથી સફળ અને સતત સારું પ્રદર્શન કરતી ફ્રેન્ચાઇઝ તરીકે ઓળખ મળી હતી. જોકે છેલ્લા ત્રણ સીઝનમાં ટીમ પ્લેઓફમાં પહોંચવામાં નિષ્ફળ રહી હતી, જેના કારણે ટીમ મેનેજમેન્ટે નવા કોચિંગ સ્ટાફ સાથે આગળ વધવાનો નિર્ણય લીધો હોવાનું માનવામાં આવે છે.
હાલ CSK તરફથી હેમાંગ બદાનીની નિમણૂક અંગે સત્તાવાર જાહેરાત કરવામાં આવી નથી, પરંતુ મીડિયા અહેવાલો અનુસાર તેઓ સૌથી મજબૂત દાવેદાર છે. જો આ નિમણૂક થાય છે તો IPL 2027 પહેલાં CSKના કોચિંગ વિભાગમાં આ સૌથી મોટો ફેરફાર સાબિત થઈ શકે છે.
Hemang Badani (DC Coach):
I won’t agree if someone says Fleming is a great coach. What has he achieved as a coach in Big Bash, MLC, SA20 or Hundred? Everyone knows that whatever CSK achieved in IPL is because of Dhoni. He’s the kingpin of that franchise pic.twitter.com/aBLYQEEfSn
— Ne𝟘n (@7_MSDthala) March 31, 2026