IPL 2024માં ગુજરાત ટાઇટન્સના બોલર ઉમેશ યાદવના નામે એક મોટો રેકોર્ડ નોંધાયો હતો. પંજાબ કિંગ્સ સામેની મેચમાં શિખર ધવનની વિકેટ લઈને ઉમેશ યાદવ IPLમાં કોઈપણ એક ટીમની સૌથી વધુ વિકેટ લેનાર બોલર બની ગયો.
અનુભવી બોલર ઉમેશ યાદવે પંજાબ કિંગ્સના કેપ્ટન શિખર ધવનને પોતાના સ્પેલની પ્રથમ ઓવરના પ્રથમ બોલ પર જ શિકાર બનાવ્યો હતો. પંજાબ કિંગ્સ સામે ઉમેશ યાદવની આ 34મી વિકેટ હતી. આઈપીએલમાં એક ટીમ સામે આ સૌથી વધુ વિકેટ છે. ઉમેશ યાદવ પહેલા મોહિત શર્માના નામે મુંબઈ ઈન્ડિયન્સ સામે 33 વિકેટ લેવાનો રેકોર્ડ હતો.
IPLમાં એક ટીમ સામે સૌથી વધુ વિકેટ:
34 – ઉમેશ યાદવ VS PBKS
33- મોહિત શર્મા VS MI
33- સુનીલ નારાયણ VS PBKS
33- ડ્વેન બ્રાવો VS MI
32- ભુવનેશ્વર કુમાર VS KKR
31- લસિથ મલિંગા VS CSK
36 વર્ષીય ઉમેશ યાદવે આઈપીએલમાં દિલ્હી કેપિટલ્સ, કોલકાતા નાઈટ રાઈડર્સ, આરસીબીનું પ્રતિનિધિત્વ પણ કર્યું છે. IPLની 145 મેચમાં તેના નામે 140 વિકેટ છે. ઉમેશ યાદવ માટે ઘરેલુ સિઝન પણ જબરદસ્ત રહી છે. IPL 2024ની હરાજીમાં ગુજરાત ટાઇટન્સે ઉમેશ યાદવને 5.80 કરોડ રૂપિયામાં ખરીદ્યો હતો. IPL 2024માં તેણે મુંબઈ ઈન્ડિયન્સ સામે બે વિકેટ ઝડપી હતી. આ સિઝનમાં તેના નામે અત્યાર સુધી ચાર વિકેટ છે.